ସାଲୁଙ୍କି ନଦୀରେ ବୁଡ଼ି ଭାଇ ଭଉଣୀ ମୃତ

କନ୍ଧମାଳ: ନଦୀରେ ଗାଧୋଉଥିବା ବେଳେ ପାଣିରେ ବୁଡ଼ି ଦୁଇ ଭାଇ ଭଉଣୀଙ୍କ ମୃତ l କନ୍ଧମାଳ ଜିଲ୍ଲା ଟିକାବାଲି ଅନ୍ତର୍ଗତ ଛତିଝାର ଗାଁରେ ଘଟିଛି ଅଘଟଣ l ମୃତ ବରଣ କରିଥିବା ଦୁଇ ଜଣ ହେଉଛନ୍ତି ଯୁଧିଷ୍ଠିର ଦେହୁରିଙ୍କ ନାବାଳିକା ଝିଅ ଓ ନାବାଳିକା ପୁଅ । ଦୁହେଁ ସକାଳ ୯ ଟାରେ ନିଜ ବଡ଼ ମାଆଙ୍କ ସାଙ୍ଗରେ ପାଖ ଶାଲୁଙ୍କି ନଦୀରେ ଗାଧେଇବା ବେଳେ ଗୋଡ଼ ଖସି ପାଣିରେ ବୁଡ଼ି ଯାଇଥିଲେ । ପାଣିରେ ବୁଢ଼ିବାର କିଛି ସମୟ ପରେ ପାଣିରେ ଭାସୁଥିଲେ । ପାଣିରେ ଭାସୁଥିବା ଦେଖି ଲୋକେ ଦୁଇ ଜଣଙ୍କୁ ଉଦ୍ଧାର କରି ଟିକାବାଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । କିନ୍ତୁ ସେଠାରେ ଡାକ୍ତର ଉଭୟ ଭାଇ, ଭଉଣୀଙ୍କୁ ମୃତ ଘୋଷଣା କରିଥିଲେ । ଏହି ଖବର ପାଇ ଟିକାବାଲି ପୋଲିସ ଘଟଣାସ୍ଥଳରେ ପହଞ୍ଚି ଶବ ବ୍ୟବଚ୍ଛେଦ ପାଇଁ ହସ୍ପିଟାଲକୁ ପଠାଇବ ସହ ଏକ ମାମାଲା ରୁଜୁ କରି ତଦନ୍ତ ଆରମ୍ଭ କରିଛି ।