ଜରୁରୀକାଳୀନ ଅବତରଣ ବେଳେ ଦୁଇଖଣ୍ଡ ହୋଇଗଲା ବିମାନ

ସାନଜୋସ୍: ମଧ୍ୟ ଆମେରିକାରେ ଥିବା କୋଷ୍ଟରିକା ଠାରେ ଗୁରୁବାର ଦିନ ଏକ ଭୟଙ୍କର ପ୍ଲେନ କ୍ରାସ ହୋଇଛି । ଏଥିରେ ଜରୁରୀକାଳୀନ ଅବତରଣ କରିବା ବେଳେ ପଣ୍ୟବାହୀ ବିମାନ ଦୁଇଖଣ୍ଡ ହୋଇଯାଇଛି । ତେଣୁ ସାନ୍‌ଜୋସ୍‌ସ୍ଥିତ ଜୁଆନ୍‌ ସାନ୍ତାମାରିଆ ଆନ୍ତର୍ଜାତିକ ବିମାନ ବନ୍ଦରକୁ ସାମୟିକ ଭାବେ ବନ୍ଦ କରାଯାଇଥିଲା । ଆଉ ଏହି ଦୁର୍ଘଟଣାର କିଛି ଫଟୋ ମଧ୍ୟ ସାମ୍ନାକୁ ଆସିଛି ।

ସୂଚନା ଅନୁସାରେ, ଗୁରୁବାର ଦିନ କୋଷ୍ଟରିକାର ଜୁଆନ୍‌ ସାନ୍ତାମାରିଆ ଆନ୍ତର୍ଜାତିକ ଏୟାରପୋର୍ଟରେ ଦୁର୍ଘଟଣା ହୋଇଥିଲା । କୁହାଯାଉଛି ଡିଏଚଏଲର କାର୍ଗୋ ପ୍ଲେନ ବା ପଣ୍ୟବାହୀ ବିମାନରେ କିଛି ଯାନ୍ତ୍ରିକ ତ୍ରୁଟି କରାଣରୁ ଏହି ଏୟାର ପୋର୍ଟରେ ବିମାନର ଜରୁରୀକାଳୀନ ଅବତରଣ ହୋଇଥିଲା ଏବଂ ଏହି ସମୟରେ ହିଁ ବିମାନଟି ଦୁଇ ଖଣ୍ଡ ହୋଇଯାଇଥିଲା ।

Video footage of the DHL Boeing 757 Freighter just as it skidded off the runway at SJO.

Read more at AviationSource!https://t.co/63ONa6oRCD

Source: Unknown#DHL #JuanSantamariaAirport #AvGeek #Crash #Accident pic.twitter.com/EI9ew6YVXN

— AviationSource (@AvSourceNews) April 7, 2022

ପ୍ରଖ୍ୟାତ ଜର୍ମାନ୍‌ ପରିବହନକାରୀ କମ୍ପାନି ‘ଡିଏଚ୍‌ଏଲ୍‌’ର ବୋଇଙ୍ଗ୍‌ ୭୫୭-୨୦୦ ପଣ୍ୟବାହୀ ବିମାନଟି ରନ୍‌ୱେରୁ ଖସିଯିବା ସହ  ଘୂରି ଘୂରି ପଛ ଚକା ପାଖରୁ ଦୁଇଗଡ଼ ହୋଇ ଭାଙ୍ଗିଯାଇଥିଲା। କିନ୍ତୁ, ବିମାନରେ ଥିବା ପାଇଲଟ୍‌ ଓ ସହକାରୀ ପାଇଲଟ୍‌ ନିରାପଦରେ ବାହାରି ଆସିଛନ୍ତି ବୋଲି କୋଷ୍ଟାରିକା ଦମକଳ ବିଭାଗର ମୁଖ୍ୟ ହେକ୍ଟର୍‌ ସାଭେସ୍‌ କହିଛନ୍ତି । ଡାକ୍ତରୀ ପରୀକ୍ଷା ନିମନ୍ତେ ଗୁଏଟେମାଲାର ସେ ପାଇଲଟ୍‌ ଦୁଇଜଣଙ୍କୁ ହସ୍ପିଟାଲ୍‌ ପଠାଇ ଦିଆଯାଇଛି ବୋଲି ଗିଡୋ ଭାସ୍‌କ୍ବେଜ୍‌ ନାମରେ ଜଣେ ‘ରେଡ୍‌ କ୍ରସ୍‌’ କର୍ମୀ କହିଛନ୍ତି।

ପୂର୍ବାହ୍ନ ପ୍ରାୟ ୧୦.୩୦ରେ ଉକ୍ତ ବିମାନଟି ସାନ୍‌ଜୋସ୍‌ ବାହାରେ ଥିବା ଜୁଆନ୍‌ ସାନ୍ତାମାରିଆ ଆନ୍ତର୍ଜାତିକ ବିମାନ ବନ୍ଦରରୁ ଉଡ଼ାଣ ଆରମ୍ଭ କରିବାର ୨୫ ମିନିଟ୍‌ ପରେ ଯାନ୍ତ୍ରିକ ତ୍ରୁଟି ଦେଖା ଦେବାରୁ ଜରୁରୀ ଅବତରଣ ପାଇଁ ବାଧ୍ୟ ହୋଇଥିଲା। ବିମାନରେ ହା‌ଇଡ୍ରୋଲିକ୍‌ ସମସ୍ୟା ଦେଖା ଦେଇଥିବା କଥା ପାଇଲଟ୍‌ମାନେ ସ୍ଥାନୀୟ କର୍ତ୍ତୃପକ୍ଷମାନଙ୍କୁ ସୂଚନା ଦେଇଥିଲେ। ଏଥିଯୋଗୁଁ ସନ୍ଧ୍ୟା ୬ ପର୍ଯ୍ୟନ୍ତ ବିମାନ ବନ୍ଦର ବନ୍ଦ ରହିଥିଲା।