୯୧ ବର୍ଷୀୟ ମହିଳାଙ୍କ ସହିତ ବିବାହ କରି ବନିଗଲେ କୋଟିପତି, କିନ୍ତୁ…

ନୂଆଦିଲ୍ଲୀ: ୯୧ ବର୍ଷରେ ବିବାହ ? ଆଶ୍ଚର୍ଯ୍ୟ ଲାଗୁଥାଇପାରେ । କିନ୍ତୁ ଘଟଣାଟି ସତ । ଆଉ ଘଟଣାଟି ହେଉଛି ବ୍ରିଟେନର । ଯେଉଁଠାରେ ୬୭ ବର୍ଷୀୟ  ଜଣେ ବ୍ୟକ୍ତି ବିବାହ କରିଛନ୍ତି ୯୧ ବର୍ଷୀୟ ଜଣେ ମହିଳାଙ୍କୁ । ଦୁଃଖର କଥା ହେଉଛି ବିବାହର ମାତ୍ର କିଛି ମାସ ପରେ ମହିଳାଙ୍କ ମୃତ୍ୟୁ ହୋଇଛି।  ମୃତ୍ୟୁ ପରେ ତାଙ୍କର କୋଟି କୋଟି ସମ୍ପତ୍ତି ଉକ୍ତ ବ୍ୟକ୍ତିଙ୍କ ନାଁରେ ହୋଇଯାଇଛି ।କିନ୍ତୁ ଏହି ମାମଲାରେ ଖୁସି ନାହାଁନ୍ତି ମହିଳାଙ୍କ ପରିବାର ।  ମହିଳାଙ୍କ ପରିବାରର ଅଭିଯୋଗ ଅନୁସାରେ  ବିବାହ ସମୟରେ ମହିଳା ଜଣକ ଡିମେଶିୟା ରୋଗର ଶିକାର ଥିଲେ । ଏହାଦ୍ୱାରା ସେ ତାଙ୍କ ବୁଦ୍ଧି ଏବଂ ନିଷ୍ପତ୍ତି ନେବାର କ୍ଷମତା ହରାଇ ବସିଥିଲେ ।

‘ଦ ସନ୍‌’ ରିପୋର୍ଟ ଅନୁସାରେ ୨୦୧୬ରେ  ୯୧ ବର୍ଷୀୟ ଜୋଆନ୍‌ ଚିରଦିନ ପାଇଁ ଆଖି ବୁଜିଛନ୍ତି । ଜୋଆନଙ୍କ ମୃତ୍ୟୁ ପରେ ତାଙ୍କ ୨ କୋଟିରୁ ଅଧିକ ସମ୍ପତ୍ତି ତାଙ୍କ ପତି ବା ୬୭ ବର୍ଷୀୟ କୋଲମ୍ୟାନଙ୍କୁ ମିଳିଛି । ମା’ ଜୋଆନ୍‌ ବ୍ଲାସଙ୍କ ସମ୍ପତ୍ତିରୁ ବଞ୍ଚିତ ହେବାପରେ ସ୍ୱର ଉଠାଇଛନ୍ତି ତାଙ୍କ ପୁଅ । ଯାହାପରେ ଏହି ମାମଲା ପୁରା ଚର୍ଚ୍ଚାକୁ ଆସିଛି । ତେବେ କୋଲୋମ୍ୟାନ୍‌ ଲୁଚିଛପି ତାଙ୍କ ମା’ ଜୋଆନଙ୍କୁ ବିବାହ କରିଥିବା ସେ ଅଭିଯୋଗ ଆଣିଛନ୍ତି ।  କେବଳ ଜୋଆନଙ୍କ ପୁଅ ମାଇକେଲ ନୁହଁନ୍ତି ବରଂ  ଝିଅ ଫ୍ରାକ୍ସ ମଧ୍ୟ ଏହି ସମାନ ଅଭିଯୋଗ ଆଣିଛନ୍ତି । ଖାଲି ସେତିକି ନୁହେଁ  ମାଇକେଲ ଏବଂ ଫ୍ରାକ୍ସ ଏହା ମଧ୍ୟ ଅଭିଯୋଗ ଆଣିଛନ୍ତିଯେ, ମାଇକେଲ ଜୋଆନଙ୍କ ଅନ୍ତିମ ସଂସ୍କାର କରି ବେନାମି କବର ଦେଇ ଦେଇଛନ୍ତି ।

ମହିଳାଙ୍କ ମୃତ୍ୟୁ ପରେ ତାଙ୍କ ୧ କୋଟିର ଘର କୋଲମ୍ୟାନଙ୍କ ନାଁରେ ହୋଇ ସାରିଛି । ଏହା ସହିତ ତାଙ୍କ ଆକାଉଣ୍ଟରେ ଥିବା ୩୫ ଲକ୍ଷ ଟଙ୍କା ମଧ୍ୟ । ଅନ୍ୟପଟେ ଜୋଆନଙ୍କ ପୁଅ ଏବଂ ଝିଅ ଦ୍ୱାରା ହୋଇଥିବା ଅଭିଯୋଗକୁ କୋର୍ଟ ଖାରଜ କରି ଦେଇଛି ।   ଯେଉଁଥିରେ କୋଲମ୍ୟାନ୍‌ ତାଙ୍କ ମା ଜୋଆନଙ୍କୁ ଧୋକା ଦେଇଥିବା ଅଭିଯୋଗ ହୋଇଛି ।  ତେବେ ଘଟଣାଟି ଅନ୍ତର୍ଜାତୀୟ ଗଣମାଧ୍ୟମରେ ଏକ ଭାଇରାଲ ଖବର ପାଲଟିଛି ।