ପୁଣି ବଢିଲା ସୁନା ଦର, ଜାଣନ୍ତୁ ବର୍ତ୍ତମାନ ବଜାରରେ କେତେ ରହିଛି ସୁନା ଓ ରୂପାର ଦାମ୍…
1 min read
ନୂଆଦିଲ୍ଲୀ: ବିଶ୍ୱ ବଜାରରେ ମୂଲ୍ୟ ବୃଦ୍ଧି କାରଣରୁ ଶୁକ୍ରବାର ଦିନ ଦେଶରେ ସୁନା ଓ ରୂପା ହାର ମଧ୍ୟ ବୃଦ୍ଧି ପାଇଛି । ମଲ୍ଟିକୋମୋଡିଟି ଏକ୍ସଚେଞ୍ଜରେ ସୁନା ହାର ପୁଣି ୫୨ ହଜାରକୁ ଅତିକ୍ରମ କରିଛି । MCX ରେ, ୨୪ କ୍ୟାରେଟ୍ ଶୁଦ୍ଧ ସୁନାର ମୂଲ୍ୟ ୩୦୮ ଟଙ୍କା ବୃଦ୍ଧି ପାଇ ୧୦ ଗ୍ରାମ ପିଛା ୫୭,୦୭୫ ଟଙ୍କା ହୋଇଛି । ଆରମ୍ଭରେ ସୁନା ଏକ୍ସଚେଞ୍ଜ ମୂଲ୍ୟ ୫୧,୭୦୨ ଟଙ୍କା ଖୋଲାଯାଇଛି । ଏହା ପରେ, ଚାହିଦା ବୃଦ୍ଧି କାରଣରୁ ସୁନାର ମୂଲ୍ୟ କିଛି ମିନିଟ୍ ମଧ୍ୟରେ ଏହା ୫୨ ହଜାର ଟଙ୍କା ସ୍ତରକୁ ଅତିକ୍ରମ କରିଛି । ରୂପାର ମୂଲ୍ୟ ମଧ୍ୟ ବୃଦ୍ଧି ପାଇଛି । MCX ରେ, ସକାଳୁ ରୂପା କିଲୋଗ୍ରାମ ପିଛା ୬୯,୬୬୩ ଟଙ୍କା ରହିଛି ।
ବିଶ୍ୱ ବଜାରରେ ମଧ୍ୟ ଏକ ଅଭିବୃଦ୍ଧି
ରୁଷ-ୟୁକ୍ରେନ ସଙ୍କଟ ମଧ୍ୟରେ ଅଶୋଧିତ ତୈଳ ଏବଂ ଗ୍ୟାସ ଦର ବୃଦ୍ଧି କାରଣରୁ ନିବେଶକମାନେ ସୁନା ଓ ରୂପାରେ ନିବେଶ କରୁଛନ୍ଚି । ବିଶ୍ୱ ବଜାରରେ, ଯେଉଁଠାରେ ସୁନା ୦.୨୨ ପ୍ରତିଶତ ବୃଦ୍ଧି ହୋଇ ୧,୯୬୨.୮୫ ଡଲାରରେ ପହଞ୍ଚିଛି, ରୂପା ମୂଲ୍ୟ ମଧ୍ୟ ୦.୧୬ ପ୍ରତିଶତ ବୃଦ୍ଧି ପାଇଛି ଏବଂ ଏହା ୨୫.୯୬ ଡଲାରରେ ପହଞ୍ଚିଛି ।
ସେଥିପାଇଁ ସୁନା ଓ ରୂପା ମୂଲ୍ୟ ପୁଣି ବୃଦ୍ଧି ପାଇଛି
ରୁଷ-ୟୁକ୍ରେନ ଯୁଦ୍ଧ ହେତୁ ସାରା ବିଶ୍ୱରେ ଷ୍ଟକ୍ ମାର୍କେଟରେ ଅସ୍ଥିରତା ଦେଖିବାକୁ ମିଳିଛି । ଏବଂ ଏହାର ପ୍ରଭାବ ଭାରତୀୟ ବଜାରରେ ମଧ୍ୟ ରହିଛି । ନିବେଶକମାନେ ନିଜକୁ କ୍ଷେତିରେ ନପକାଇବାକୁ ଯାଇ ପୁଣି ଥରେ ସୁନାରେ ନିବେଶ କରିବାକୁ ଭଲ ପାଉଛନ୍ତି । ଯେଉଁ କାରଣରୁ ସୁନାର ଚାହିଦା ପୁଣି ବୃଦ୍ଧି ପାଇଛି ।
