ନନ୍ଦିଘୋଷ ବ୍ୟୁରୋ: ସିଇସି ଜ୍ଞାନେଶ କୁମାରଙ୍କ ବିରୋଧରେ ପ୍ରତୀକାତ୍ମକ ମହାଭିଯୋଗ ପ୍ରସ୍ତାବ। ଏହି ଅଭିଯାନରେ ସାମିଲ ହୋଇଛନ୍ତି ୨୧ଟି ରାଜନୈତିକ ଦଳ। କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେଙ୍କ ବାସଭବନରେ ଏହି ମହାଭିଯୋଗ ପ୍ରସ୍ତାବ ଅଣାଯାଇଛି। ଲୋକସଭାର ପୂର୍ବତନ ବାଚସ୍ପତି ମୀରା କୁମାର ଏଥିରେ ଅଧ୍ୟକ୍ଷତା କରିଛନ୍ତି ଏବଂ ଖଡଗେ ଏହି ପ୍ରସ୍ତାବ ଆଣିଛନ୍ତି। ବିଭିନ୍ନ ଦଳର ପ୍ରାୟ ୩୦ ଜଣ ନେତା ଏହି ପ୍ରସ୍ତାବ ନେଇ ମତ ରଖିଛନ୍ତି। ଗତକାଲି ଏହି ପ୍ରସ୍ତାବ ଆଣିବା ଲାଗି ଯୋଜନା ରହିଥିଲା। ମାତ୍ର ବର୍ଷା ଯୋଗୁ ଏହାକୁ ଆଜି ଲାଗି ସ୍ଥଗିତ ରଖାଯାଇଥଇଲା। ଭୋଟ୍ ଚୋରି’ ପ୍ରସଙ୍ଗରେ ପ୍ରତିବାଦର ଏକ ପ୍ରତୀକାତ୍ମକ ରୂପ ଭାବେ ବିରୋଧୀ ଦଳଗୁଡ଼ିକ ଏହି ‘ଜନ ମହାଭିଯୋଗ’ କାର୍ଯ୍ୟକ୍ରମ ଆୟୋଜନ କରୁଛନ୍ତି। ସ୍ପେଶାଲ୍ ଇଣ୍ଟେନ୍ସିଭ୍ ରିଭିଜନ୍ -SIR ଜରିଆରେ ଭୋଟର ତାଲିକା ସଂଶୋଧନରେ ଅନିୟମିତତା ହୋଇଥିବା ଅଭିଯୋଗ କରି INDIA ବ୍ଲକ୍ର ଦଳଗୁଡ଼ିକ ମୁଖ୍ୟ ନିର୍ବାଚନ କମିଶନର ଗ୍ୟାନେଶ କୁମାରଙ୍କ ଇସ୍ତଫା ଦାବି କରୁଛନ୍ତି।
