BSKY ଦେଲା ନୂଆ ଜୀବନ, ବିନା ମୂଲ୍ୟରେ ଚିକିତ୍ସା ସୁବିଧା ପାଇଲେ ବାଲେଶ୍ୱର ନୀଳଗିରିର ମୁକ୍ତିକାନ୍ତ

ନୀଳଗିରି: ବିଜୁ ସ୍ୱାସ୍ଥ୍ୟ କାର୍ଡ ଦେଇଛି ନୂଆ ଜୀବନ । ମାଗଣା ଚିକିତ୍ସା ଫଳରେ ସୁସ୍ଥ ହେଲେ ବାଲେଶ୍ୱର ନୀଳଗିରିର ମୁକ୍ତିକାନ୍ତ ପଣ୍ଡା । ଗାୟତ୍ରୀ ମନ୍ଦିରର ପୂଜକ ହେଉଛନ୍ତି ମୁକ୍ତିକାନ୍ତ । ହଠାତ୍ ଦିନେ ମୁକ୍ତିକାନ୍ତଙ୍କ ଛାତିରେ ଯନ୍ତ୍ରଣା ହୋଇଥିଲା । ଚେକଅପ ପରେ ହାର୍ଟ ବ୍ଲକେଜ୍ ଥିବା ଜାଣିବାକୁ ପାଇଥିଲେ । କିନ୍ତୁ ଅର୍ଥାଭାବରୁ ଜୀବନ ଯୁଦ୍ଧରେ ହାରିଯିବାର ଭୟ ତାଙ୍କୁ ହତାଶ ଓ ନିରାଶ କରିଦେଇଥିଲା । ଶେଷରେ ବିଏସକେୱାଇ ସ୍ମାର୍ଟ ହେଲ୍ଥ କାର୍ଡ ତାଙ୍କ ପାଇଁ ସାଜିଲା ଆଶାବାଡି । ବିନା ମୂଲ୍ୟରେ ଭୁବନେଶ୍ୱର କିମ୍ସରେ ସର୍ଜରୀ ପରେ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି ମୁକ୍ତିକାନ୍ତ । ମାଗଣାରେ ଅସ୍ତ୍ରୋପଚାର ପରେ କଷ୍ଟରୁ ମିଳିଛି ତ୍ରାହି । ଏଥିପାଇଁ ସେ ରାଜ୍ୟ ସରକାରଙ୍କୁ ଧନ୍ୟବାଦ ଜଣାଇଛନ୍ତି ।