JNUକୁ ମିଳିଲା ପ୍ରଥମ ମହିଳା ଭିସି, ଶାନ୍ତିଶ୍ରୀ ଧୂଲିପୁଡ଼ି ହେଲେ ନୂଆ କୂଳପତି
1 min read
ନୂଆଦିଲ୍ଲୀ: JNUକୁ ମିଳିଲା ପ୍ରଥମ ମହିଳା ଭିସି । ଦିଲ୍ଲୀ ସ୍ଥିତ ଜବାହରଲାଲ ନେହେରୁ ୟୁନିଭରସିଟିରେ ପ୍ରଥମ ଥର ଲାଗି ଜଣେ ମହିଳା ଭିସିଙ୍କୁ ନିଯୁକ୍ତି ମିଳିଛି । ପ୍ରଫେସର ଶାନ୍ତିଶ୍ରୀ ଧୂଲିପୁଡ଼ି ପଣ୍ଡିତଙ୍କୁ ନୂତନ ଭାଇସ୍ ଚାନସେଲର ଭାବେ ନିଯୁକ୍ତି ମିଳିଛି । ସେ ଏବେ ପୁନେ ସ୍ଥିତ ସାବିତ୍ରୀ ବାଇ ଫୁଲେ ୟୁନିରଭିସିଟିରେ ପ୍ରଫେସର ଅଛନ୍ତି ।
ଏବେ JNUର ଭିସି ଥିବା ଏମ୍. ଜଗଦୀଶ କୁମାରଙ୍କୁ UGCର ନୂତନ ଚେୟାରମ୍ୟାନ ଭାବେ ନିଯୁକ୍ତି ଦିଆଯାଇଛି । JNUର ଭିସି ଭାବରେ ଜଗଦୀଶ କୁମାରଙ୍କ ୫ ବର୍ଷର କାର୍ଯ୍ୟକାଳ ୨୬ ଜାନୁଆରୀ ୨୦୨୧ରେ ଶେଷ ହୋଇଥିଲା । ଏହା ପରେ ତାଙ୍କ କାର୍ଯ୍ୟକାଳ ବୃଦ୍ଧି କରାଯାଇଥିଲା । ବର୍ତ୍ତମାନ ଜାରି ହୋଇଥିବା ନୋଟିସ ଅନୁସାରେ ଶାନ୍ତିଶ୍ରୀ ଧୂଲିପୁଡିଙ୍କ କାର୍ଯ୍ୟକାଳ ୫ ବର୍ଷର ରହିବ । ଶାନ୍ତିଶ୍ରୀ ଧୂଲିପୁଡି JNUର ଟପର ଥିଲେ ଆଉ ଏବେ ତାଙ୍କ ସେହି ୟୁନିଭର୍ସିଟିର ଭିସି ଭାବରେ ନିଯୁକ୍ତି ମିଳିଛି ।
