ଲାଲକିଲ୍ଲାକୁ ନିଜର କହିଲେ ମହିଳା,କୋର୍ଟଙ୍କ ପ୍ରଶ୍ନ ୧୫୦ ବର୍ଷ ହେଲା କେଉଁଠି ଥିଲ ?
ନୂଆଦିଲ୍ଲୀ: ଦେଶର ଐତିହ୍ୟ ଲାଲକିଲ୍ଲା ଉପରେ ମହିଳାଙ୍କ ଦାବି । ୧୬ଶହ ଖ୍ରୀଷ୍ଟାଦ୍ଦରେ ଶାହ ଜାହାନଙ୍କ ଦ୍ୱାରା ନିର୍ମିତ ଲାଲକିଲ୍ଲାକୁ ନିଜର ବୋଲି ଦାବି କରିଛନ୍ତି ଦିଲ୍ଲୀର ଜଣେ ମହିଳା । ଏନେଇ ସେ କୋର୍ଟଙ୍କ ଦ୍ୱାରସ୍ଥ ହେବା ସହ କ୍ଷତିପୂରଣ ମଧ୍ୟ ଦାବି କରିଛନ୍ତି । ଶେଷ ମୋଗଲ ସମ୍ରାଟ ବାହାଦୂର ଶାହ ଜାଫର ୨ଙ୍କ ବିଧବା ଅଣନାତୁଣୀ ବୋହୂ ସୁଲତାନ ବେଗମ ଲାଲକିଲ୍ଲାକୁ ତାଙ୍କୁ ହସ୍ତାନ୍ତର କରିବାକୁ କୋର୍ଟର ଦ୍ୱାରସ୍ଥ ହୋଇଛନ୍ତି ।
ସୁଲତାନ ବେଗମଙ୍କ ଆବେଦନକୁ କୋର୍ଟ ଅଗ୍ରାହ୍ୟ କରିବା ସହ ଐତିହ୍ୟ ଉପରେ ଅଧିକାର ସାବ୍ୟସ୍ତକୁ ମନା କରି ଦେଇଛନ୍ତି । ଆବେଦନକାରୀ ୧୫୦ ବର୍ଷ ହେଲା କେଉଁଠି ଥିଲେ ବୋଲି ବିଚାରପତି ଜଷ୍ଟିସ୍ ରେଖା ପାଟିଲ୍ ପ୍ରଶ୍ନ କରିଛନ୍ତି । କୌଣସି ବି ପରିସ୍ଥିତିରେ ଲାଲକିଲ୍ଲାକୁ ହସ୍ତାନ୍ତର କରିବା ସମ୍ଭବପର ନୁହେଁ ବୋଲି କହିଛନ୍ତି କୋର୍ଟ ।
ଆବେଦନକାରୀ ସୁଲତାନ ବେଗମଙ୍କ ଓକିଲଙ୍କ ଅନୁସାରେ, ସ୍ୱର୍ଗତଃ ମିର୍ଜା ମହମ୍ମଦ ବେଦର ଭଖତଙ୍କ ବିଧବା ପତ୍ନୀ ହେଉଛନ୍ତି ସୁଲତାନ । ଦିଲ୍ଲୀର ଶେଷ ମୋଗଲ ସମ୍ରାଟଙ୍କ ସେ ଅଣନାତୁଣୀ ବୋହୂ । ଆଇନତଃ ଲାକଲିଲ୍ଲା ଉପରେ ସୁଲତାନ ବେଗମଙ୍କ ଅଧିକାର ରହିଥିବା କହିଛନ୍ତି ଓକିଲ ।
