ବାଲୁକା କଳାରେ ଶ୍ରୀମନ୍ଦିର ପରିକ୍ରମା ମାର୍ଗ: ଦୀପରେ ଝଲସୁଛି ବଡ଼ ଦାଣ୍ଡ

ପୁରୀ: ଆସନ୍ତାକାଲି ଶ୍ରୀମନ୍ଦିର ପରିକ୍ରମା ପ୍ରକଳ୍ପର ହେବ ଶିଳାନ୍ୟାସ । ଏଥିପାଇଁ ଚାଲିଛି ପୂଜାର୍ଚ୍ଚନା । ଶୁଭ ମୁହୁର୍ତ୍ତ ପୂର୍ବରୁ ସ୍ୱର୍ଣ୍ଣଭା ବେଳାଭୂମିରେ ବାଲୁକା କଳା ମାଧ୍ୟମରେ ଶୁଭେଚ୍ଛା ଜଣାଇଛନ୍ତି ଆନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ପରିକ୍ରମା ପ୍ରକଳ୍ପର ନିଚ୍ଛକ କଳାକୃତି ନିର୍ମାଣ କରିଛନ୍ତି ସୁଦର୍ଶନ । ବାଲୁକା କଳାରେ ସିଂହଦ୍ୱାର ସହିତ ପାର୍ଶ୍ୱ ଦେବାଦେବୀ ନିର୍ମାଣ କରାଯାଇଛି ।

Prior to the Shilanyas, scheduled to be held tomorrow 24th Nov. by Hon’ble CM @Naveen_Odisha for Shreemandira Parikrama Project. My SandArt at Puri beach.#JaiJagannath#ShreeMandiraParikrama#Shilanyas pic.twitter.com/uynRIigzs2

— Sudarsan Pattnaik (@sudarsansand) November 23, 2021

ଅନ୍ୟପକ୍ଷରେ ଶ୍ରୀମନ୍ଦିର ପରିକ୍ରମା ମାର୍ଗର ଶିଳାନ୍ୟାସ ପୂର୍ବରୁ ଶ୍ରୀକ୍ଷେତ୍ରରେ ଅପାର ଉତ୍ସାହ ଦେଖିବାକୁ ମିଳିଛି । ଶତାଧିକ ଦୀପରେ ଝଲସି ଉଠିଛି  ବଡ଼ଦାଣ୍ଡ । ରଙ୍ଗୋଲୀର ରଙ୍ଗରେ ରଙ୍ଗୀନ ହୋଇପଡ଼ିଛି ଶ୍ରୀଗୁଣ୍ଡିଚା ପ୍ରାଙ୍ଗଣ । ଆସନ୍ତକାଲି ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ। ଏହା ପୂର୍ବରୁ ଆଜି ସନ୍ଧ୍ୟାରେ ଗୁଣ୍ଡିଚା ମନ୍ଦିର ସମ୍ମୁଖରେ ଶତାଧିକ ଦୀପ ଜାଳିଛନ୍ତି ମହିଳା। ୩୨ଟି ଓ୍ୱାର୍ଡର ମହିଳା ଦୀପ ଜାଳିବା ସହିତ ରଙ୍ଗୋଲିରେ ବଡ଼ ଦାଣ୍ଡକୁ ସଜାଇଛନ୍ତି।