ଠିକା କର୍ମଚାରୀଙ୍କୁ ୩ ମାସ ମଧ୍ୟରେ ସ୍ଥାୟୀ କରିବାକୁ ହାଇକୋର୍ଟଙ୍କ ନିର୍ଦ୍ଦେଶ
କଟକ: ସ୍ଥାୟୀ ହେବେ କାର୍ଯ୍ୟରତ ଠିକା କର୍ମଚାରୀ, ହାଇକୋର୍ଟ ଦେଲେ ନିର୍ଦ୍ଦେଶ । ରାଜ୍ୟରେ ଚାରୋଟି ବିଭାଗରେ କାର୍ଯ୍ୟରତ ଠିକା କର୍ମଚାରୀଙ୍କୁ ସ୍ଥାୟୀ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଡାଟା ଏଣ୍ଟ୍ରି ଅପରେଟର ଭାବେ କାର୍ଯ୍ୟରତ କର୍ମଚାରୀ ସ୍ଥାୟୀ ହେବେ । ୩ ମାସ ମଧ୍ୟରେ ସ୍ଥାୟୀ କରିବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ଲୋକସେବା ଭବନ, ଗୋପବନ୍ଧୁ ଏକାଡେମୀ, ଲୋକାଲ ଫଣ୍ଡ ଅଡିଟ୍ ଓ ସବ ରେଜିଷ୍ଟ୍ରାର ଅଫିସରେ କାର୍ଯ୍ୟରତ କର୍ମଚାରୀ ସ୍ଥାୟୀ ହେବେ ।
ନିକଟରେ ଠିକା କର୍ମଚାରୀଙ୍କ ଦରମା ୫୦ ପ୍ରତିଶତ ବୃଦ୍ଧି ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ ନିଷ୍ପତ୍ତି ନେଇଥିଲା । ଗ୍ରପ୍ ‘ସି’ ଓ ‘ଡି’ ଠିକା କର୍ମଚାରୀଙ୍କୁ ୫୦ ପ୍ରତିଶତ ଅଧିକ ଦରମା ମିଳିବ । ଠିକା କର୍ମଚାରୀ ପରିବର୍ତ୍ତେ ଇନିସିଆଲ୍ ଆପୋଏଣ୍ଟି କୁହାଯିବ । ପୂର୍ବ ନିୟମ ଅନୁସାରେ, ୬ ବର୍ଷ ଚାକିର ପରେ ସେମାନଙ୍କୁ ନିୟମିତ କରାଯିବ ।
