ଲାଞ୍ଚ ନେଇ ଧରାପଡ଼ିଲେ ଉଠା ଜଳସେଚନ ନିଗମର ଅବସରପ୍ରାପ୍ତ ବରିଷ୍ଠ ଟାଇପିଷ୍ଟ
ଭୁବନେଶ୍ୱର: ଅବସର ପରେ ବି ଟଙ୍କା ଲୋଭ । ଲାଞ୍ଚ ନେଇ ଧରାପଡ଼ିଲେ ଅବସରପ୍ରାପ୍ତ ବରିଷ୍ଠ ଟାଇପିଷ୍ଟ । ଓଡ଼ିଶା ଉଠା ଜଳସେଚନ ନିଗମର ପରିଚାଳନା ନିର୍ଦ୍ଦେଶକଙ୍କ କାର୍ଯ୍ୟାଳୟର ଅବସରପ୍ରାପ୍ତ ବରିଷ୍ଠ ଟାଇପିଷ୍ଟ ଲାଞ୍ଚ ନେଇ ଭିଜିଲାନ୍ସ ଜାଲରେ ପଡ଼ିଛନ୍ତି । ୩ ହଜାର ଟଙ୍କା ଲାଞ୍ଚ ନେବା ବେଳେ ଅବସରପ୍ରାପ୍ତ ବରିଷ୍ଠ ଟାଇପିଷ୍ଟ ଅମୃତ ସାହୁଙ୍କୁ ଧରିଛି ଭିଜିଲାନ୍ସ ।
ମୃତ ବ୍ୟକ୍ତିଙ୍କ ଇପିଏଫ୍ ଫାଇଲ୍ ପ୍ରୋସେସିଂ କରାଇ ଦେବାରେ ସାହାଯ୍ୟ ପାଇଁ ଅମୃତ ୩ ହଜାର ଟଙ୍କା ଲାଞ୍ଚ ନେଉଥଲେ । ତାଙ୍କ ଠାରୁ ଭିଜିଲାନ୍ସ ଲାଞ୍ଚ ଟଙ୍କା ଜବତ କରିବା ସହ ଏକ ମାମଲା ରୁଜୁ କରିଛି । ଭୁବନେଶ୍ୱର ଭିଜିଲାନ୍ସର କେସ ନମ୍ବର ୩୬ରେ ମାମଲା ରୁଜୁ କରି ତଦନ୍ତ ଚଳାଇଛି ଭିଜିଲାନ୍ସ ।
