ନିର୍ବାଚନ ପୂର୍ବରୁ ପିପିଲିରେ ‘ଉଜ୍ଜଳା’ ଲାଞ୍ଚ ଅଭିଯୋଗ: ଅଟୋ ସହ ଧରାପଡ଼ିଲେ ୨ଜଣ

ପିପିଲି: ପୋପରଙ୍ଗା ପଞ୍ଚାୟତରେ ବିଜେପି କର୍ମୀ ଗ୍ୟାସ୍‌ ବାଣ୍ଟୁଥିବା ଅଭିଯୋଗ । ଭୋଟରଙ୍କୁ ଆକୃଷ୍ଟ କରିବା ପାଇଁ ‘ଉଜ୍ଜଳା’ ଯୋଜନାରେ ଗ୍ୟାସ ସିଲିଣ୍ଡର ବଣ୍ଟାଯାଉଥିବା ସନ୍ଦେହ । ବାଣ୍ଟୁଥିବାବେଳେ ଲୋକଙ୍କ ଦୃଷ୍ଟିକୁ ଆସିଥିଲା । ଗ୍ରାମବାସୀ ସିଲିଣ୍ଡର ବୋଝେଇ ଅଟୋକୁ ଜବତ କରିବା ସହ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ନିର୍ବାଚନ ପାଟ୍ରୋଲିଂ ଟିମ୍ ପହଞ୍ଚି ତଦନ୍ତ ଆରମ୍ଭ କରି ସମସ୍ତ ଦସ୍ତାବିଜ ମାଗିଥିଲା । ହେଲେ ସିଲିଣ୍ଡର ବାଣ୍ଟୁଥିବା ଦୁଇ ଯୁବକ କିଛି କାଗଜପତ୍ର ଦେଖାଇ ପାରିନଥିଲେ । ଯାହାକୁ ନେଇ ସନ୍ଦେହ ବଢିଥିଲା । ପୁରୀ ନିର୍ବାଚନ ଆଚରଣବିଧି ଲାଗୁ ହୋଇଥିବାବେଳେ କେନ୍ଦ୍ରୀୟ ଯୋଜନାକୁ ଚଞ୍ଚକତା କରି ଭୋଟରଙ୍କୁ ପ୍ରଭାବିତ କରାଯାଉଥିବା ଅଭିଯୋଗ ହୋଇଛି । ଏହି ଦୁଇ ଯୁବକଙ୍କୁ ପିପିଲି ଥାନାରେ ଅଟକ ରଖାଯାଇ ପଚାରାଉଚରା କରାଯାଉଛି । ଗତକାଲି ନୂଆଶାସନରେ ବି ସମାନ ଢଙ୍ଗରେ ସିଲିଣ୍ଡର ବଣ୍ଟାଯାଉଥିଲା । ହେଲେ ସେମାନେ ବର୍ତ୍ତି ଯାଇଥିବା ଅଭିଯୋଗ ହୋଇଛି ।