ସଚିନ ୱାଜେଙ୍କ ଅଭିଯୋଗ: ଚାକିରି ପାଇଁ ୨ କୋଟି ମାଗିଥିଲେ ଅନିଲ ଦେଶମୁଖ
ମୁମ୍ବାଇ: ବଢ଼ିଲା ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖଙ୍କ ଅଡୁଆ । ଏନଆଇଏ ନିକଟକୁ ଚିଠି ଲେଖିଲେ ସଚିନ ୱାଜେ। ୩ ଫର୍ଦ୍ଦର ଏହି ଚିଠିରେ ୱାଜେ ଦେଶମୁଖଙ୍କ ଉପରେ ସଙ୍ଗୀନ ଅଭିଯୋଗ ଲଗାଇଛନ୍ତି । ସେ ଅଭିଯୋଗ କରିଛନ୍ତି ଯେ ଦେଶମୁଖ ତାଙ୍କୁ ମୁମ୍ବାଇରେ ଚାକିରିରେ ବଜାୟ ରଖିବାକୁ ୨ କୋଟି ଟଙ୍କା ଲାଞ୍ଚ ମାଗିଥିଲେ। ଏଥିସହ ମହାରାଷ୍ଟ୍ରର ବିଭିନ୍ନ ହୋଟେଲ ଓ ବାର୍ରୁ ଚାନ୍ଦା ଆଦାୟ ଲାଗି ଦେଶମୁଖ ତାଙ୍କୁ ଦାୟିତ୍ୱ ଦେଇଥିଲେ ବୋଲି ୱାଜେ ଏନଆଇଏ ନିକଟକୁ ଚିଠି ଲେଖିଛନ୍ତି। ଦେଶମୁଖଙ୍କ ସହିତ ବର୍ତ୍ତମାନର ପରିବହନ ମନ୍ତ୍ରୀ ଅନିଲ ପରବଙ୍କୁ ମଧ୍ୟ ସେ ଚାନ୍ଦା ଆଦାୟ ମାମଲାରେ ସାମିଲ୍ କରିଛନ୍ତି ।
ଦେଶମୁଖ ମୁମ୍ବାଇର ବିଭିନ୍ନ ହୋଟେଲ ଓ ବାର୍ରୁ ମାସିକ ୧୦୦କୋଟି ଚାନ୍ଦା ଆଦାୟ କରି ବାକୁ ସଚିନ ବାଜେଙ୍କୁ ଦାୟିତ୍ୱ ଦେଇଥିବା ଅଭିଯୋଗ ହୋଇଛି । ଚାନ୍ଦା ଆଦାୟ ସମ୍ପର୍କରେ ବୁଝାମଣା ପାଇଁ ସେ ଦୁଇ ମନ୍ତ୍ରୀଙ୍କ ବିଭିନ୍ନ ସମୟରେ ଭେଟିଥିବା ଚିଠିରେ ଉଲ୍ଲେଖ କରିଛନ୍ତି ସଚିନ ୱାଜେ। ସେ କହିଛନ୍ତି ଯେ ଅନିଲ ପରବ ତାଙ୍କୁ ବାର୍ ଓ ରେଷ୍ଟାରାଣ୍ଟ ଉପରେ ଯାଞ୍ଚ ବନ୍ଦ କରିବା ପାଇଁ ୫୦ କୋଟି ଟଙ୍କା ଆଦାୟ କରିବାକୁ କହିଥିଲେ। ଏହା ବ୍ୟତୀତ ପରବ ତାଙ୍କୁ ବିଏମସି ଠିକାଦାରଙ୍କ ଉପରେ ଯାଞ୍ଚ କରିବାକୁ ଓ ପ୍ରତ୍ୟେକଙ୍କଠୁ ୨ କୋଟି ଟଙ୍କା ଆଦାୟ କରିବାକୁ କହିଥିବା ମଧ୍ୟ ଅଭିଯୋଗ କରିଛନ୍ତି ୱାଜେ। ମୁକେଶ ଅମ୍ବାନୀଙ୍କ ଘର ନିକଟରୁ ବିସ୍ଫୋରକ ଭର୍ତ୍ତି ଗାଡ଼ି ଜବତ ଘଟଣାରେ ମାର୍ଚ୍ଚ ୧୩ରେ ଏନଆଇଏ ସଚିନ ୱାଜେଙ୍କୁ ଗିରଫ କରିଥିଲା। ତେବେ ଏନଆଇଏର କଷ୍ଟଡିରେ ନିଜ ୋକିଲଙ୍କ ସହ ବସି ସେ ଏହି ଚିଠି ଲେଖିଛନ୍ତି।
ବାଜେ ଆଣିଥିବା ଅଭିଯୋଗକୁ ଅନିଲ ପରବ ଖଣ୍ଡନ କରିଛନ୍ତି। ଅନିଲ କହିଛନ୍ତି ଏହି ଅଭିଯୋଗର ତଦନ୍ତ ସହ ନାର୍କୋ ଟେଷ୍ଟ ପାଇଁ ପ୍ରସ୍ତୁତ ଥିବା ଅନିଲ କହିଛନ୍ତି। ଅନ୍ୟପଟେ ବାଜେ ଲେଖିଥିବା ଏହି ଚିଠି ପଛରେ ବିଜେପିରେ ହାତ ରହିଥିବା ସେ କହିଛନ୍ତି। ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ନିନ୍ଦିତ କରିବାକୁ ଏହା ବିଜେପିର ଏକ ଷଡ଼ଯନ୍ତ୍ର ବୋଲି ଅନିଲ କହିଛନ୍ତି।
