ରାଜ୍ୟସଭାରେ ସସ୍ମିତ ଉଠାଇଲେ ବଳକା ଚାଉଳ ପ୍ରସଙ୍ଗ; କହିଲେ ତୁରନ୍ତ ଉଠାଯାଉ ବକେୟା ଚାଉଳ

ଭୁବନେଶ୍ବର: ରାଜ୍ୟସଭାରେ ବଳକା ଚାଉଳ ପ୍ରସଙ୍ଗ ଉଠାଇଲେ ସାଂସଦ ସସ୍ମିତ ପାତ୍ର । ଖାଦ୍ୟ ଶସ୍ୟ ଉତ୍ପାଦନରେ ଓଡିଶା ଦେଶର ଚତୁର୍ଥ ବୃହତମ ରାଜ୍ୟ । କିନ୍ତୁ ଏବେ ମଧ୍ୟ ରାଜ୍ୟରେ ଚାଉଳ ଉଠାଯାଇନାହିଁ । ତେଣୁ ବଳକା ଚାଉଳ ତୁରନ୍ତ ଉଠାଇବାକୁ ଦାବି କରିଛନ୍ତି ସାଂସଦ । ରାଜ୍ୟରେ ପ୍ରାୟ ୩୦ଲକ୍ଷ ମେଟ୍ରିକ ଟନ ଚାଉଳ ଏବେ ବଳକା ରହିଥିବା ଦାବି ଉଠାଇଲେ ସାଂସଦ ସସ୍ମିତ ପାତ୍ର ।

ସେହିପରି ସାଂସଦ କହିଛନ୍ତି ଧାନକିଣା ସବ୍‌ସିଡି ବାବଦକୁ ୫ ହଜାର ୬୧୬ କୋଟି ଟଙ୍କା କେନ୍ଦ୍ର ସରକାରଙ୍କ ଉପରେ ବାକି ପଡ଼ିଛି । ଏବେ ପର୍ଯୟନ୍ତ ଏ ପ୍ରାପ୍ୟ ମିଳିପାରିନାହିଁ । କେନ୍ଦ୍ର ସରକାରଙ୍କ ତୁରନ୍ତ ବଳକା ଚାଉଳ ଉଠାଇବା ସହ ବାକି ପଡ଼ିଥିବା ସବ୍‌ସିଡି ଟଙ୍କା ତୁରନ୍ତ ପ୍ରଦାନ ପାଇଁ ଦାବି କରିଛନ୍ତି ସସ୍ମିତ ପାତ୍ର ।

ସେହିପରି ଖରିଫ ଋତୁରେ କେନ୍ଦ୍ର ଉଠାଇବାକୁ ଥିବା ୩୦ ଲକ୍ଷ ମେଟ୍ରିକ ଟ୍ରନ ଚାଉଳ ତୁରନ୍ତ ଉଠାନ୍ତୁ । ଏବଂ କେନ୍ଦ୍ର ଉପରେ ରହିଥିବା ବକେୟା ପ୍ରାପ୍ୟ ମଧ୍ୟ ତୁରନ୍ତ ପ୍ରଦାନ କରାଯାଉ ବୋଲି ରାଜ୍ୟସଭା ଅଧ୍ୟକ୍ଷଙ୍କୁ ଦାବି ଜଣାଇଛନ୍ତି ବିଜେଡ଼ି ସାଂସଦ ସସ୍ମିତ ପାତ୍ର ।