ଜୋର ଧରିଛି ପ୍ରଚାର ରାଜନୀତି, ନିର୍ବାଚନୀ ସଭାରୁ ବିଜେପିକୁ ପ୍ରିୟଙ୍କା ରାହୁଲଙ୍କ ଟାର୍ଗେଟ

ନୂଆଦିଲ୍ଲୀ: ଦିନ କେଇଟା ପରେ ହେବ ପ୍ରଥମ ପର୍ଯ୍ୟାୟ ଭୋଟ। ଆସାମରେ କଂଗ୍ରେସ ନେତା ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀଙ୍କ ହାଇଭୋଲଟେଜ୍ ପ୍ରଚାର। ବିଜେପି ସରକାର ଆସାମବାସୀଙ୍କ ଅଧିକାର ଛଡ଼ାଇ ନେଇଛନ୍ତି। ଆସାମରେ କଂଗ୍ରେସ ସରକାର ଗଢ଼ିଲେ ଲୋକଙ୍କ ଅଧିକାରର ରକ୍ଷା କରାଯିବ ବୋଲି ରାହୁଲ ଜନସଭାକୁ ସମ୍ବୋଧିତ କରି କହିଛନ୍ତି। ସେପଟେ ଜୋରହାଟରେ ନିର୍ବାଚନୀ ସଭାରେ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଛନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ। ସିଏଏ ପ୍ରତ୍ୟାହାର ନେଇ ଆସାମରେ ନିଆଁ ଜଳୁଥିବା ବେଳେ ବିଜେପି ଏ ଦିଗରେ ପଦକ୍ଷେପ ନ ନେବେ ନେଇ ବର୍ଷିଛନ୍ତତି ପ୍ରିୟଙ୍କା। ସେପଟେ ଆସାମର ବୋକାଖାଟରେ ନିର୍ବାଚନୀ ରାଲିରେ ସାମିଲ ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସଭାରେ କଂଗ୍ରେସକୁ ଜୋରଦାର ଟାର୍ଗେଟ କରିବା ସହ ଆସାମରେ ପୁଣିଥରେ ଡବଲ ଇଞ୍ଜିନ ସରକାର ଆସିବ ବୋଲି ମୋଦି କହିଛନ୍ତି।