ଖଣି ମାଫିଆ ଓ ଟିଟୋ ଗ୍ୟାଙ୍ଗ ସହ ସାରଦାଙ୍କ ସମ୍ପର୍କ ଥିବା ଅଭିଯୋଗ

ଭୁବନେଶ୍ୱର: ମାହାଙ୍ଗାର ବିଜେପି ନେତା ସାରଦା ପ୍ରଧାନଙ୍କୁ ଟାର୍ଗେଟ୍ କଲେ ବିଜେଡି ବିଧାୟକ ବ୍ୟୋମକେଶ ରାୟ । ଅପରାଧୀମାନଙ୍କ ସହ ସାରଦା ପ୍ରଧାନଙ୍କର ଲିଙ୍କ୍ ରହିଛି । ସାରଦା ପ୍ରଧାନ ୨୨ଦିନ ଜେଲରେ ଥିଲେ । ୧୯୯୭ରେ ବିପିଏଲ୍‌‌ ତାଲିକାରେ ଥିବା ଲୋକ କେମିତି କୋଟିପତି ହେଲେ ବୋଲି ବ୍ୟୋମକେଶ ରାୟ ପ୍ରଶ୍ନ କରିଛନ୍ତି ।

ଏଥିସହ ସାରଦା ପ୍ରଧାନଙ୍କର ଖଣି ମାଫିଆ ଓ ଟିଟୋ ଗ୍ୟାଙ୍ଗ୍ ସହ ଲିଙ୍କ୍‌ ରହିଛି ବୋଲି ବ୍ୟୋମକେଶ ରାୟ ଅଭିଯୋଗ କରିଛନ୍ତି । ତେଣୁ ସାରଦା ପ୍ରଧାନଙ୍କ ପ୍ରସଙ୍ଗରେ ବିଧାନସଭାରେ ଆଲୋଚନା ନ ହେବା ଉଚିତ୍ ବୋଲି ବ୍ୟୋମକେଶ କହିଛନ୍ତି । ଅନ୍ୟପଟେ ସାରଦାଙ୍କ ନାଁରେ ଅଭିଯୋଗ ଥିଲେ ତୁରନ୍ତ ତାଙ୍କୁ ଗିରଫ କରାଯାଉ । ଆଇନ ତା’ ବାଟରେ ଯାଉ ବୋଲି କହିଛନ୍ତି ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ ।

ଏଥିସହ ପଢ଼ନ୍ତୁ- ନୟାପଲ୍ଲୀ ଭଡ଼ାଟିଆଙ୍କୁ ଆକ୍ରମଣ ଘଟଣାରେ ସାରଦାଙ୍କ ଗିରଫ ଦାବି କଲା ବିଜେଡି