ଆନ୍ତଜାର୍ତୀୟ ମହିଳା ଦିବସ ପାଇଁ ରାଜଧାନୀରେ କାର୍ ରାଲି
1 min read
ଭୁବନେଶ୍ୱର: ଆନ୍ତଜାର୍ତୀୟ ମହିଳା ଦିବସ ପୂର୍ବରୁ ସେବା ପ୍ରୟାସ ଫାଉଣ୍ଡେସନ ପକ୍ଷରୁ ଭୁବନେଶ୍ୱରରେ ଆୟୋଜିତ ହୋଇଛି ମହିଳା କାର୍ ରାଲି । ଜନତା ମଇଦାନରୁ ବାହାରି ଉତ୍କଳ କନିକା ଗ୍ୟାଲେରିଆରେ ଏହି ରାଲି ପହଞ୍ଚିଥିଲା । ଚଳିତ ବର୍ଷ ଥିମ୍ ରହିଛି ଚୁଜ୍-ଟୁ-ଚ୍ୟାଲେଞ୍ଜ୍ ।
ଚୁଜ୍ ଟୁ ଚ୍ୟାଲେଞ୍ଜ୍ । ଏହି ସ୍ଲୋଗାନ ନେଇ ଭୁବନେଶ୍ୱରରେ ଆୟୋଜିତ ହୋଇଥିଲା ମହିଳା କାର୍ ରାଲି । ଜନତା ମଇଦାନରୁ କଳ୍ପନା ଯାଏ ୧୫ କିଲୋମିଟର କାର ରାଲିରେ ଭାଗ ନେଇଥିଲେ ୧୦ରୁ ଅଧିକ ମହିଲା । ଲମ୍ବା ଲାଇନରେ ସୁସଜିତ ହୋଇ ପଛକୁ ପଛ ଗଡିଥିଲା କାର । କିଏ ଗଛ ସୁରକ୍ଷା ନେଇ ତ, କିଏ ସଂସଦରେ ମହିଳା ସଂରକ୍ଷଣକୁ ନେଇ ବାର୍ତ୍ତା ଦେଇଥିଲେ । ଜନତା ମଇଦାନରୁ ଫ୍ଳାଗ ଅପ୍ ହେବା ପରେ ଜୟଦେବ ବିହାର, ରସୁଲଗଡ ଦେଇ କଳ୍ପନା ଛକରେ ପହଞ୍ଚିଥିଲା ରାଲି ।
ମହିଲା ଦିବସ ଅବସରରେ ଭୁବନେଶ୍ୱରରେ ସେବା ପ୍ରୟାସ ଫାଉଣ୍ଡେସନ ପକ୍ଷରୁ ହୋଇଛି ଏହି କାର୍ଯ୍ୟକ୍ରମ । ରାଲି ପାଇଁ ପଞ୍ଜୀକୃତ ଟଙ୍କାକୁ ପାଇଲଟ୍ ପ୍ରୋଜେକ୍ଟ ଭାବରେ କାର୍ଯ୍ୟକାରୀ କରିଛି ସଂସ୍ଥା । ନୟାଗଡ଼ ଜିଲ୍ଲାରେ ଅନଲାଇନ୍ ଅଧ୍ୟୟନ କରିବା ପାଇଁ ମୋବାଇଲ କିମ୍ବା ଲାପଟପ୍ ସୁବିଧା ନଥିବା ୨ଟି ଗାଁରେ ସୁବିଧା ଯୋଗାଇ ଦେବାକୁ ସେବା ଫାଉଣ୍ଡସେନ ପକ୍ଷରୁ କୁଆଯାଇଛି । ମହିଳା କାର ରାଲିକୁ ସଫଳ ଭାବରେ ଶେଷ କରିଥିବା ମହିଳାଙ୍କୁ କଳିଙ୍ଗ ବିରଙ୍ଗନା ସମ୍ମାନରେ ସମ୍ମାନିତ କରାଯାଇଥିଲା ।
