ମାର୍ଚ୍ଚ ୩ରୁ ମେଜର ସନ୍ଦୀପ ମହାପାତ୍ର ସ୍ମାରକୀ ଓପନ ଟେନିସ୍ ଚାମ୍ପିୟନସିପ୍
ଭୁବନେଶ୍ୱର: ଆସନ୍ତା ମାର୍ଚ୍ଚ ୩ ତାରିଖରୁ ଭୁବନେଶ୍ବର ଉପକଣ୍ଠ ମେଣ୍ଢାଶାଳ ଗୁରୁକୂଳ ଟେନିସ ରିସୋର୍ଟରେ ମେଜର ସନ୍ଦୀପ ମହାପାତ୍ର ସ୍ମାରକୀ ଅଲ ଇଣ୍ଡିଆ ଓପନ ଟେନିସ୍ ଚାମ୍ପିୟନସିପ ଖେଳାଯିବ। ପ୍ରଥମ ଥର ପାଇ ଗୁରୁକୂଳ ଟେନିସ ରିସୋର୍ଟରେ ମେଜର ସନ୍ଦୀପ ମହାପାତ୍ର ସ୍ମାରକୀ ଟେନିସ୍ ଚାମ୍ପିୟନସିପ ଖେଳାହେବାକୁ ଯାଉଛି। ମାର୍ଚ୍ଚ ୩ ତାରିଖରୁ ମାର୍ଚ୍ଚ ୭ ତାରିଖ ପର୍ଯ୍ୟନ୍ତି ଏହି ପ୍ରତିଯୋଗିତା ଖେଳାଯିବ।
ଏହି ପ୍ରତିଯୋଗିତାରେ ରାଜ୍ୟ ତଥା ରାଜ୍ୟ ବାହାରରୁ ଅନେକ ପ୍ରତିଯୋଗୀ ଆଶଂଗ୍ରହଣ କରିବେ। ପାଖାପାଖି ୧୦୦ରୁ ଅଧିକ ପ୍ରତିଯୋଗୀ ଏହି ପ୍ରତିଯୋଗିତାରେ ସାମିଲ ହେବେ। ଗୁରୁକୁଳ ଟେନିସ ରିସୋର୍ଟରେ ରହିବା ଖାଇବା ସହ ଜିମ୍ ଓ ଅନ୍ୟାନ ସମସ୍ତ ସୁବିଧା ଥିବାରୁ ରାଜ୍ୟ ବାହାରୁ ଏହି ପ୍ରତିଯୋଗିତାରେ ସାମିଲ ହେବା ପାଇଁ ଅନେକ ଖେଳାଳି ନିଜ ନାଁ ପଞ୍ଜିକୃତ କରିଛନ୍ତି। ୫ଟି କ୍ୟାଟେଗୋରୀ ଯଥା, ପୁରୁଷ ଏକକ, ମହିଳା ଏକକ, ୧୬ ବର୍ଷରୁ କମ ବାଳକ, ୧୬ ବର୍ଷରୁ କମ ବାଳିକା, ପୁରୁଷ ଡବଲ୍ସରେ ମ୍ୟାଚ୍ ଖେଳାଯିବ। ଏହି ପ୍ରତିଯୋଗିତାରେ ମୋଟ୍ ପୁରସ୍କାର ରାଶି ୧ ଲକ୍ଷ ୭୦ ହାଜାର ଟଙ୍କା ରହିଛି।
ପୁରୁଷ ଏକକରେ ସବୁଠୁ ଅଧିକ ପୁରୁସ୍କାର ରାଶି ରହିଛି। ପୁରୁଷ ଏକକରେ ବିଜେତାଙ୍କୁ ୩୦ ହଜାର ଓ ରନର୍ସପକୁ ୧୫ ହଜାର ଟଙ୍କା ଦିଆଯିବ। ଆଜିର ସମ୍ବାଦିକ ସମ୍ମିଳନୀରେ ଗୁରୁକୁଳ ଟେନିସ ରିସୋର୍ଟର ମୁଖ୍ୟ ଚନ୍ମିୟ ପ୍ରଧାନ, ଗୁରୁକୁଳ ଟେନିସ ଏକାଡେମୀର ନିର୍ଦ୍ଦେଶକ ସନ୍ତୋଷ ମଲ୍ଲିକଙ୍କ ସହ ମେଜର ସନ୍ଦୀପ ମହାପାତ୍ରଙ୍କ ପିତା ଜେ.ବି ମହାପାତ୍ର ଉପସ୍ଥିତ ଥିଲେ ।
