ରେଳ ଲାଇନ୍ କାର୍ଯ୍ୟକୁ ବିରୋଧ କରି ଜାଳିଦେଲେ ଜେସିବି ଓ ଟିପର୍

କାଲକାନାଗିରି: ମାଲକାନଗିରି ସୀମାରେ ପୁଣି ମାତିଲେ ମାଓବାଦୀ। ଜାଳିଦେଲେ ଜେସିବି ଓ ଟିପର୍। ରାସ୍ତା କାମରେ ଏହି ସବୁ ଜିନିଷ ନିୟୋଜିତ ଥିଲା। ତେବେ ରାସ୍ତା କାମକୁ ବିରୋଧ କରି ଏପରି କରିଥିବେ ପ୍ରାଥମିକ ସୂଚନା ମିଳିଛି। ମାଲକାନଗିରି ସୀମାନ୍ତ ଛତିଶଗଡ଼ ଦାନ୍ତେଓ୍ବାଡାରେ ସଶସ୍ତ୍ର ମାଓବାଦୀ ଏଭଳି କାଣ୍ଡ ଭିଆଇଛନ୍ତି। ଦନ୍ତେଓ୍ବାଡା ନେରଲିରୁ ବଚେଲୀ ରାସ୍ତାରେ ରେଳ ଲାଇନ୍ ପାଇଁ କାର୍ଯ୍ୟ ଜାରି ରହିଥିଲା। ତେବେ ଏହାକୁ ବିରୋଧ କରି ଭେରମଗଡ ଏରିଆ କମିଟିର ୧୫ରୁ ୨୦ ଜଣ ସଦସ୍ୟ କାର୍ଯ୍ୟରେ ନିୟୋଜିତ ଗାଡ଼ିକୁ ସମ୍ପୂର୍ଣ ଜଳି ଦେଇଛନ୍ତି।