ବୌଦ୍ଧ: କୁହୁଡ଼ି ହେଲା କାଳ। ରାଜ୍ୟ ମଧ୍ୟରେ କୁହୁଡ଼ି କାରଣରୁ ଗୋଟିପରେ ଗୋଟିଏ ଅଘଟଣ ଘଟିବାରେ ଲାଗିଛି। କେତେବେ ବସ୍ ତ କେତେବେଳେ ଟ୍ରକ୍ ଦୁର୍ଘଟଣା ଗ୍ରସ୍ତ ହେଉଛି। ତେବେ ବୌଦ୍ଧ ଜିଲ୍ଲାର ୫୭ନମ୍ବର ଜାତୀୟ ରାଜପଥରେ ସକାଳୁ ସକାଳୁ ଘଟିଛି ଅଘଟଣ। ମସିନାପଡ଼ା ମେହେରୁଣୀ ନାଲ ନିକଟରେ ଡ଼ଲଫିନ ନାମକ ଏକ ଘରୋଇ ବସ୍ର ଦୁର୍ଘଟଣା ଘଟି ଓଲଟିପଡିଛି। ବସ୍ ମଧ୍ୟରେ ୪୦ ଜଣ ଯାତ୍ରୀ ଥିଲେ।
ତେବେ କେହି ମୃତାହତ ହୋଇନାହାନ୍ତି। ଦୁର୍ଘଟଣା ଫଳରେ ୫ଜଣ ଗୁରୁତର ଆହତ ହୋଇଥିବା ବେଳେ ୩୫ଜଣ ଯାତ୍ରୀ ସୁରକ୍ଷିତ ଥିବା ଜଣା ପଡିଛି।ବସ୍ଟି କଟକରୁ ରାୟପୁର ଯାଉଥିବା ବେଳେ ରାତି ପ୍ରାୟ ୩ଟା ସମୟରେ ଏହି ଦୁର୍ଘଟଣା ଘଟିଥିବା ଜଣା ପଡିଛି। ଘଟଣା ସ୍ଥଳରେ ମନମୁଣ୍ଡା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
