ମେଡିକାଲ ଯିବା ସମୟରେ ସ୍ୱାମୀ କାର ଧକ୍କାରେ ସ୍ତ୍ରୀର ମୃତ୍ୟୁ

ନୂଆଦିଲ୍ଲୀ: କାର କିମ୍ବା କୌଣସି ଗାଡ଼ି ଚଲାଇବା ସମୟରେ ସର୍ବଦା ସତର୍କତା ଅବଲମ୍ବନ କରାଯିବା ଉଚିତ୍ । ଏଥିରେ ତିଳେ ମାତ୍ର ଅସାବଧାନତା ଆପଣଙ୍କ ପାଇଁ କିମ୍ବା ଆପଣଙ୍କ ନିକଟବର୍ତ୍ତୀ ବ୍ୟକ୍ତିଙ୍କ ପାଇଁ ବିପଦ ଆଣିପାରେ। ଗାଡ଼ି ଚଲାଇବା ସମୟରେ ଅସାବଧାନତା ହେତୁ ୟୁନାଇଟେଡ୍ ଆରବ ଏମିରେଟସ୍ (ୟୁଏଇ)ରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ଜଣେ ୪୫ବର୍ଷୀୟ ଭାରତୀୟ ମହିଳାଙ୍କ ମୃତ୍ୟୁ ହୋଇଛି।

ମୃତକଙ୍କ ପରିବାର ଲୋକଙ୍କ ପକ୍ଷରୁ ମିଳିଥିବା ସୂଚନା ଅନୁଯାୟୀ, ସ୍ୱାମୀ, ସ୍ତ୍ରୀ ଶନିବାର ଦିନ ସ୍ୱାସ୍ଥ୍ୟ ପରୀକ୍ଷା ପାଇଁ କମ୍ୟୁନିଟି ହସ୍ପିଟାଲକୁ ଯାଇଥିଲେ। ସ୍ତ୍ରୀ କାରରୁ ଓହ୍ଲାଇ ସାମ୍ନାରେ ଠିଆ ହୋଇ ସ୍ୱାମୀଙ୍କୁ ପାର୍କିଂ ପାଇଁ ନିର୍ଦେଶ ଦେଉଥିଲେ। ଏତିକି ବେଳେ ସ୍ବାମୀ କାର ବ୍ରେକ ବଦଳରେ ରେସିଂ ଦବାଇ ଦେଇଥିଲେ। ରେସିଂ ଦବାଇବା ପରେ ସ୍ବାମୀଙ୍କ କାର ଧକ୍କା ପତ୍ନୀ  ନିକଟସ୍ଥ କାନ୍ଥରେ ଯାଇ ପିଟି ହୋଇଯାଇଥିଲେ। ଆଉ ଘଟଣାସ୍ଥଳରେ ହିଁ ମହିଳାଙ୍କ ପ୍ରାଣବାୟୁ ଉଡି ଯାଇଥିଲା।

ପ୍ରକାଶିତ ରିପୋର୍ଟ ମୁତାବକ, ଉଭୟ ସ୍ୱାମୀ- ସ୍ତ୍ରୀ କେରଳର ମୂଳ ବାସିନ୍ଦା ଅଟନ୍ତି ଏବଂ ସେମାନଙ୍କର ଦୁଇଟି ସନ୍ତାନ ଅଛନ୍ତି । ଅଜମାନ ପୁଲିସ ଏହି ଘଟଣାର ତଦନ୍ତ କରୁଛି। ଇଣ୍ଡିଆନ ଆସୋସିଏସନ ମହିଳାଙ୍କ ମୃତଦେହ ଆଣିବାକୁ ସମର୍ଥନ କରୁଛନ୍ତି।