ଟ୍ରମ୍ପଙ୍କ ଟ୍ୱିଟର ଆକାଉଣ୍ଟ୍ ବ୍ଲକ୍ ପଛରେ ଅଛନ୍ତି ଜଣେ ଭାରତୀୟ ମହିଳା
1 min read
ୱାଶିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଟ୍ୱିଟର ଆକାଉଣ୍ଟ ବ୍ଲକ କରାଯିବା ପଛରେ ଜଣେ ଭାରତୀୟ ଆମେରିକୀୟଙ୍କ ବଡ଼ ହାତ ରହିଛି । ବର୍ତ୍ତମାନ ଟ୍ରମ୍ପ ଏବଂ ତାଙ୍କ ସମର୍ଥକ କହୁଛନ୍ତି ଯେ ଟ୍ୱିଟର ଦକ୍ଷିଣପନ୍ଥୀମାନଙ୍କର ସ୍ୱରକୁ ଦବାଇବା ପାଇଁ ସେନସରସିପ ଲଗାଯାଇଛି । ତେବେ ଟ୍ୱିଟରର ସମସ୍ତ ପଲିସି ବିଷୟରେ ବିଜୟା ଗଡ୍ଡେ ନିଷ୍ପତ୍ତି ନିଅନ୍ତି ଯିଏ କି କମ୍ପାନୀର ଲିଗାଲ, ପଲିସି, ଟ୍ରଷ୍ଟ ଏବଂ ସେଫ୍ଟି ମାମଲାର ପ୍ରମୁଖ ଅଟନ୍ତି । ତାଙ୍କୁ ସବୁଠୁ ଶକ୍ତିଶାଳୀ ସୋସିଆଲ ମିଡିଆ ଏକଜିକ୍ୟୁଟିଭ ବୋଲି କୁହାଯାଏ ।
ଭାରତରେ ଜନ୍ମଲାଭ କରିଥିବା ବିଜୟା ଗଡ୍ଡେ ଟ୍ୱିଟରର ଏକ ପ୍ରମୁଖ ଚେହେରା ଅଟନ୍ତି । କମ୍ପାନୀର ସିଇଓ ଜ୍ୟାକ ଡୋରସେ ତାଙ୍କ ଉପରେ ଏକଜିକ୍ୟୁଟିଭ ପଲିସି ପାଇଁ ନିଷ୍ପତ୍ତି ନେବାର ଦାୟିତ୍ୱ ନ୍ୟସ୍ତ କରିଛନ୍ତି ।
ଫର୍ଚ୍ୟୁନ ଗାଡେଙ୍କ ବିଷୟରେ କହିଛନ୍ତି ଯେ, ଟ୍ୱିଟରର କର୍ମଚାରୀମାନେ ସମସ୍ୟାର ସମାଧାନ ପାଇଁ ଡୋର୍ସିଙ୍କ ସହ ଯୋଗାଯୋଗ କରିପାରନ୍ତି ସତ, କିନ୍ତୁ ପ୍ରକୃତ କଥା ହେଉଛି ବିଜୟ ଗଡ୍ଡେ ଏହି ସମସ୍ତ ସମସ୍ୟାର ସମାଧାନ କରନ୍ତି । ଯେତେବେଳେ ଡୋର୍ସି ହ୍ୱାଇଟ ହାଉସର ଓଭାଲ ଅଫିସରେ ଟ୍ରମ୍ପଙ୍କୁ ଭେଟିବାକୁ ଯାଇଥିଲେ, ଗଡ୍ଡେ ମଧ୍ୟ ତାଙ୍କ ସହ ଥିଲେ। ସେ ହିଁ ନିଷ୍ପତ୍ତି ନେଇଥିଲେ ଯେ ୨୦୨୦ ରାଷ୍ଟ୍ରପତି ନିର୍ବାଚନ ସମୟରେ ଟଙ୍କା ନେଇ ଟ୍ୱିଟରରେ କୌଣସି ରାଜନୈତିକ ଅଭିଯାନ ହେବ ନାହିଁ।
ଗଡ୍ଡେଙ୍କ ଲାଳନ ପାଳନ ଟେକ୍ସାସ ରାଜ୍ୟର ବ୍ୟୁମାଣ୍ଟରେ ହୋଇଛି । ଏହାର ପଡ଼ୋଶୀ ଅଞ୍ଚଳ ଗୁଡ଼ିକ କଳା ଲୋକମାନଙ୍କ ପ୍ରତି ଘୃଣା ମନୋଭାବ ରଖୁଥିବା ପାଇଁ କୁଖ୍ୟାତ ଅଟନ୍ତି । ଏହି କାରଣରୁ, ଗଡ୍ଡେ ଜାତିପ୍ରଥା ଆଚରଣର ଯନ୍ତ୍ରଣା ଅନୁଭବ କରୁଥିବା ଟ୍ରମ୍ପଙ୍କ ସମର୍ଥକ କହିଥିଲେ। ଗଡ୍ଡେଙ୍କୁ ବର୍ତ୍ତମାନ ଟ୍ରମ୍ପ ସମର୍ଥକମାନେ ଟାର୍ଗେଟ କରି କହିଛନ୍ତି ଯେ, ଗଡ୍ଡେ ଆମେରିକା ଉପର ରାଗ ରଖିଛନ୍ତି ଏବଂ ସେ ନିଜର ଶକ୍ତି ବ୍ୟବହାର କରି ଦକ୍ଷିଣପନ୍ଥୀ ସ୍ୱରକୁ ଦମନ କରିବା ପାଇଁ ଚେଷ୍ଟା କରୁଛନ୍ତି ।
ଟ୍ରମ୍ପ ସମର୍ଥକ ବର୍ତ୍ତମାନ ଟ୍ୱିଟରର ପ୍ରତିଯୋଗୀ ପାର୍ଲର (Parler) ଆଡ଼କୁ ମୁହାଁଉଛନ୍ତି । ଟ୍ୱିଟର ଗୁଗୁଲର ନେତୃତ୍ୱରେ କୁସଂସ୍କାର ବିରୋଧରେ ଅଭିଯାନରେ ଯୋଗ ଦେବା ପାଇଁ ସଂକଳ୍ପ ନେଇଛନ୍ତି । ଗୁଗୁଲର ପ୍ରମୁଖ ସୁନ୍ଦର ପିଚଇ ମଧ୍ୟ ଭାରତର ଜନ୍ମଲାଭ କରିଥିଲେ । ଗୁଗୁଲ ପାର୍ଲରକୁ ନିଜ ପ୍ଲେ ଷ୍ଟୋରରୁ ଏହା କହି ହଟାଇଥିଲା ଯେ, ଆପରେ ଦୁଷ୍କର୍ମ ପରେ ବଢ଼ିଥିବା ହିଂସା ବିଷୟରେ ଆଲଚନା କରାଗଲା । ଆପଲ ମଧ୍ୟ ପାର୍ଲରକୁ ୨୪ ଘଣ୍ଟାର ଅଲଟିମେଟମ ଦେଇଛି ।
