‘ରାଜନୀତିକ ହିଂସା ଘଟଣାରେ ସବୁବେଳେ ଜିରୋ ଟଲେରାନ୍ସ ନୀତି ଆପଣାଇଛନ୍ତି ରାଜ୍ୟ ସରକାର’

ଭୁବନେଶ୍ୱର: ମାହାଙ୍ଗାର ପୂର୍ବତନ ବ୍ଲକ ଅଧ୍ୟକ୍ଷ ଓ ତାଙ୍କ ସହଯୋଗୀଙ୍କୁ ହତ୍ୟା ଘଟଣା । ପ୍ରତିକ୍ରିୟା ରଖିଲେ ବିଜେଡି ମୁଖପାତ୍ର ଚିନ୍ମୟ ସାହୁ । ରାଜନୀତିକ ହିଂସା ଘଟଣାରେ ରାଜ୍ୟ ସରକାର ସବୁବେଳେ ଜିରୋ ଟଲେରାନ୍ସ ନୀତି ଆପଣାଇଛନ୍ତି । ଯେଉଁ ଦଳ ରାଜନୈତିକ ହିଂସା ଆରୋପ ଲଗାଉଛନ୍ତି, ସେମାନେ ବିଭିନ୍ନ ରାଜ୍ୟରେ ସରକାରରେ ଅଛନ୍ତି । ସେହି ରାଜ୍ୟରେ କେଉଁ ଭଳି ରାଜନୀତିକ ହିଂସା ହେଉଛି, ସେ କଥା କାହାକୁ ଅଛପା ନାହିଁ । ତେଣୁ ସେମାନଙ୍କର ଏ ବାବଦରେ କହିବାର ନୈତିକ ଅଧିକାର ନାହିଁ ।

ଏନସିଆରବି ରିପୋର୍ଟ କହୁଛି, ୨୦୧୯-୨୦ରେ ଓଡ଼ିଶାରେ ଗୋଟିଏ ବି ରାଜନୀତିକ ହିଂସା ହୋଇନାହିଁ । ସର୍ବାଧିକ ରାଜନୀତିକ ହତ୍ୟା ପଶ୍ଚିମବଙ୍ଗରେ ହୋଇଛି । ବିହାର ଏବଂ ଝାଡ଼ଖଣ୍ଡରେ ୬ଟି, କର୍ଣ୍ଣାଟକ ଓ ପଞ୍ଜାବରେ ୪ଟି ରାଜନୀତିକ ହତ୍ୟା ହୋଇଛି । ସମସ୍ତ ଅଭିଯୁକ୍ତଙ୍କୁ ଗିରଫ କରାଯିବ ବୋଲି କଟକ ଗ୍ରାମାଞ୍ଚଳ ଏସପି ବି.ଯୁଗଳ କିଶୋର କହିଛନ୍ତି । ଏହାକୁ ନେଇ ବିଜୁ ଜନତା ଦଳକୁ ସମାଲୋଚନା କରିବା ଦୁର୍ଭାଗ୍ୟଜନକ ।

ହତ୍ୟା ମାମଲାରେ ଦୋଷୀଙ୍କୁ ଗିରଫ କରାଯାଉ ଏବଂ କଠୋରରୁ କଠୋର ଦଣ୍ଡ ମିଳୁ ବୋଲି ଆଇନ୍ ମନ୍ତ୍ରୀ ପ୍ରତାପ ଜେନା କହିଛନ୍ତି ।

ଏଥିସହ ପଢ଼ନ୍ତୁ- ମାହାଙ୍ଗା ଘଟଣାକୁ ରାଜନୈତିକ ରୂପ ଦେବାକୁ ଚାହୁଁଛନ୍ତି ବିରୋଧୀ: ପ୍ରତାପ ଜେନା