ଦିଲ୍ଲୀରେ ପଞ୍ଚମ ମଙ୍କିପକ୍ସ ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ: ଦିଲ୍ଲୀରେ ପଞ୍ଚମ ମଙ୍କିପକ୍ସ ଆକ୍ରାନ୍ତ ଚିହ୍ନଟ । ୨୨ ବର୍ଷ ବୟସ୍କ ଆଫ୍ରିକୀୟ ମହିଳା ପଜିଟିଭ ଠାବ ହୋଇଛନ୍ତି । ମାସକ ତଳେ ନାଇଜେରିଆ ଯାଇଥିଲେ ମହିଳା । ସଂକ୍ରମିତ ମହିଳାଙ୍କୁ ଏଲଏନଜେପି ହସ୍ପିଟାଲରେ ଭର୍ତ୍ତି କରାଯାଇଛି । ଦିଲ୍ଲୀରେ ସଂକ୍ରମିତ ହେବାରେ ସେ ଦ୍ବିତୀୟ ମହିଳା ହୋଇଥିବାବେଳେ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ହୋଇଛି ୧୦ । ଦିଲ୍ଲୀରେ ପୂର୍ବରୁ ୪ଜଣ ସଂକ୍ରମିତଙ୍କ ମଧ୍ୟରୁ ଜଣକୁ ଡିସଚାର୍ଜ କରାଯାଇଛି ।

୩ ଜଣ ଚିକିତ୍ସିତ ଅବସ୍ଥାରେ ରହିଛନ୍ତି । ଗତ ଜୁଲାଇ ୨୪ରେ ପ୍ରଥମ ଥର ଲାଗି ରାଜଧାନୀରେ ଚିହ୍ନଟ ହୋଇଥିଲା ମଙ୍କିପକ୍ସ । ଆନ୍ତର୍ଜାତିକ ଯାତ୍ରୀମାନଙ୍କ ନିମନ୍ତେ ଅନେକ ଗାଇଡଲାଇନ ଜାରି କରାଯାଇଥିବାବେଳେ ଅସୁସ୍ଥ, ମୃତ ଓ ଜୀବଜନ୍ତୁମାନଙ୍କ ସମ୍ପର୍କରେ ନ ଆସିବା ଲାଗି ପରାମର୍ଶ ଦିଆଯାଇଛି । ପ୍ରଥମେ ଜୁଲାଇ ୧୪ରେ କେରଳର କୋଲମରେ ମଙ୍କିପକ୍ସ ସଂକ୍ରମିତ ଚିହ୍ନଟ ହୋଇଥିଲା । ବର୍ତ୍ତମାନ ସୁଦ୍ଧା ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ହୋଇଛି ୧୦ ।