ଲଡ଼ୁ ପର୍ବ ପାଳନ ବେଳେ ଭାଙ୍ଗିଲା କାଠ ନିର୍ମିତ ବୃକ୍ଷ: ୫ ଶ୍ରଦ୍ଧାଳୁଙ୍କ ମୃତ୍ୟୁ, ୨୫ ଜଣ ଆହତ

ଉତ୍ତରପ୍ରଦେଶ: ବାଗପତରେ ଏକ ଧାର୍ମିକ କାର୍ଯକ୍ରମ ସମୟରେ ଘଟିଛି ଏକ ବଡ଼ ଅଘଟଣ । ଭଗବାନ ଆଦିନାଥଙ୍କ ନିର୍ବାଣ ଲଡ଼ୁ ପର୍ବରେ ମାନସ୍ତମ୍ଭ ପରିସରେ ପ୍ରସ୍ତୁତ ହୋଇଥିବା କାଠ ନିର୍ମିତ ବୃକ୍ଷ ଭାଙ୍ଗି ଯାଇଥିଲା । ଫଳରେ ଘଟଣାସ୍ଥଳରେ ୫ ଜଣ ଶ୍ରଦ୍ଧାଳୁଙ୍କ ମୃତ୍ୟୁ ଘଟିବା ସହ ୨୫ ଜଣ ଆହତ ହୋଇଥିଲେ । ଭଗ୍ନ କାଠ ନିର୍ମିତ ବୃକ୍ଷ ତଳେ ୫୦ରୁ ଅଧିକ ଶ୍ରଦ୍ଧାଳୁ ଚାପି ହୋଇ ରହିଯାଇଥିଲେ । ଏହା ପରେ ଘଟଣାସ୍ଥଳରେ ଲୋକମାନେ ଏଣେତେଣେ ଦୌଡ଼ିବାରେ ଲାଗିଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପ୍ରଶାସନ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ରକ୍ତରେ ଜୁଡ଼ୁବୁଡ଼ୁ ଅବସ୍ଥାରେ ଆହତ ଯାତ୍ରୀମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଆମ୍ବୁଲାନ୍ସ ନ ମିଳିବା କାରଣରୁ ଇ-ରିକ୍ସାରେ ବସାଇ ଆହତଙ୍କୁ ଚିକିତ୍ସା ନିମନ୍ତେ ପଠାଯାଇଥିଲା । ସୂଚନା ପାଇ ପୋଲିସ ଇନ୍ସପେକ୍ଟର ଟିମ ସହିତ ପହଞ୍ଚିଥିଲେ । ଆହତମାନଙ୍କୁ ବିଭିନ୍ନ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା । ଏନେଇ ବଗାପତ ଜିଲ୍ଲା ହସ୍ପିଟାଲଗୁଡ଼ିକୁ ଆଲର୍ଟ କରିଦିଆଯାଇଥିଲା । ଘଟଣାସ୍ଥଳରେ ଏବେ ପୋଲିସ ଫୋର୍ସ ମୁତୟନ ଥିବା ଜଣାପଡ଼ିଛି ।