ଟ୍ରେନରେ କଟି ପରିବାରର ୩ ମୃତ; ଆତ୍ମହତ୍ୟା ସନ୍ଦେହ
ଜୟପୁର: କୋରାପୁଟ ଜିଲ୍ଲା ଜୟପୁର ଲକ୍ଷ୍ମୀପୁରରେ ଏକ ଅଭାବନୀୟ ଘଟଣା ଘଟିଛି । ଟ୍ରେନ୍ରେ କଟି ଗୋଟିଏ ପରିବାରର ୩ଜଣଙ୍କର ମୃତ୍ୟୁ ହୋଇଛି । କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ ସିଙ୍ଗାରାମ ଷ୍ଟେସନରେ ଏହି ଦୁର୍ଘଟଣା ଘଟିଛି । ପରିବାରର ବାପ, ପୁଅ ଓ ଝିଅଙ୍କ ମୃତ୍ୟୁ ହୋଇଛି । ମୃତକ ହେଲେ ୪୦ ବର୍ଷୀୟ କୋଦଣ୍ଡ ସାହୁ, ୧୨ ବର୍ଷର ଶ୍ରୀୟା ସାହୁ ଓ ୮ ବର୍ଷର ସିଧୁ ସାହୁ । ଏମାନେ ଡିକିରି କୁରାପାଲ୍ଲୀର ବାସିନ୍ଦା ଅଟନ୍ତି ।
ତେବେ ରେଳଲାଇନ ପାଖକୁ ସେମାନେ କାହିଁକି ଯାଇଥିଲେ ଓ ମୃତ୍ୟୁ ପଛର କାରଣ କଣ ସେନେଇ ଜିଆରପି ପୋଲିସ ଖୋଳତାଡ ଆରମ୍ଭ କରିଛି । ଘଟଣା ସମ୍ପର୍କରେ ପୋଲିସ ପକ୍ଷରୁ ସ୍ପଷ୍ଟ ସୂଚନା ମିଳି ପାରିନଥିଲେ ମଧ୍ୟ ସେମାନେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।
