ଗେମିଂ ଜୋନରେ ନିଆଁ ଲାଗି ୨୪ ଶିଶୁ ମୃତ, ଏକାଧିକ ଆହତ

ଭୁବନେଶ୍ବର: ଗେମିଂ ଜୋନରେ ନିଆଁ ଲାଗି ୨୪ ଶିଶୁ ମୃତ । ଗୁଜରାଟ ରାଜକୋଟର ଏକ ଗେମିଂ ଜୋନରେ ନିଆଁ ଲାଗି ୨୪ ଜଣଙ୍କ ମୃତ୍ଯୁ ହୋଇଛି। ଏଥିରେ ଅନେକ ଆହତ ହୋଇଛନ୍ତି। ମୃତ୍ଯୁସଂଖ୍ଯା ବୃଦ୍ଧି ପାଇବା ଆଶଂକା କରାଯାଉଛି। ରାଜକୋଟ ସହରରେ ଥିବା ଟିଆରପି ଏହି ଗେମିଂ ଜୋନରେ ଭୟଙ୍କର ନିଆ ଲାଗିଥିଲା।

ଅଗ୍ନିକାଣ୍ଡର ଖବର ପାଇଁ ଘଟଣାସ୍ଥଳରେ ପହଞ୍ଚି ଅଗ୍ନିଶମବାହିନୀର ଏକାଧିକ ଟିମ। ଆହତଙ୍କୁ ଉଦ୍ଧାର କରି ତୁରନ୍ତ ଚିକିତ୍ସା ଯୋଗାଇ ଦେବା ବ୍ୟବସ୍ଥା କରାଯାଉଛି। ତେବେ ଅଗ୍ନିକାଣ୍ଡର କାରଣ ଜଣାପଡିନାହିଁ। ନିଆଁ ଲିଭିବା ପରେ କୁଲିଂ ଅପରେସନ ଚାଲିବ। ଏହାପରେ ପ୍ରକୃତ ମୃତାହତଙ୍କ ସଂଖ୍ଯା ସ୍ପଷ୍ଟ ହୋଇପାରିବ ବୋଲି ଅଗ୍ନିଶମବାହିନୀର ଅଧିକାରୀ କହିଛନ୍ତି। ପବନ ଜୋରରେ ବହୁଥିବାରୁ ନିଆଁ ଲିଭାଇବାକୁ କଠିନ ପରିଶ୍ରମ କରିବାକୁ ପଡୁଛି। ବର୍ତ୍ତମାନ ସୁଦ୍ଧା ନିଆଁ ଆୟତ୍ତ ହୋଇନଥିବା ଜଣାପଡିଛି।