ତୁର୍କିରେ ଭୂକମ୍ପ ଝଟକା; ଭୟରେ ବିଲ୍ଡିଂ ଉପରୁ ଡେଇଁଲେ ଲୋକେ

ଇସ୍ତାନବୁଲ: ତୁର୍କିରେ ଭୂକମ୍ପ ଝଟକା । ସକାଳୁ ଉତ୍ତରପଶ୍ଚିମ ତୁର୍କୀରେ ଭୂକମ୍ପ ଝଟକା ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୬.୧ ରେକର୍ଡ ହୋଇଛି । ଇସ୍ତାନବୁଲଠାରୁ ପ୍ରାୟ ୧୭୦ କିଲୋମିଟର ପୂର୍ବରୁ ଏହି କମ୍ପନ ଅନୁଭୂତ ହୋଇଛି ।

ତେବେ ଭୂକମ୍ପ ଝଟକାରେ ୧୦ରୁ ଊର୍ଦ୍ଧ୍ବ ଆହତ ହୋଇଥିବା ବେଳେ ମୃତକଙ୍କ ସମ୍ପର୍କରେ ସୂଚନା ନାହିଁ ବୋଲି ଗୃହମନ୍ତ୍ରୀ ସୁଲେମାନ ସୋଏଲ ଟୁଇଟରରେ ପୋଷ୍ଟ କରିଛନ୍ତି । ଭୂମିକମ୍ପ ଭୟରେ ବିଲ୍ଡିଂ ଉପରୁ ଡେଇଁ ପଡ଼ିବା ଯୋଗୁ ୨୨ ଜଣ ଗୁରୁତର ହୋଇଛନ୍ତି । ସକାଳୁ ସକାଳୁ ଭୂକମ୍ପ ଝଟକା ଅନୁଭୂତ ହୋଇଥିବାରୁ ଲୋକମାନେ କମ୍ବଳ ଓ ଶୀତବସ୍ତ୍ର ପିନ୍ଧି ଦୀର୍ଘ ସମୟ ଧରି ଘର ବାହାରେ ବୁଲୁଥିବା ଦେଖାଯାଇଥିଲା ।