ବାହାନଗା ହାଇସ୍କୁଲରେ ମାଟ୍ରିକ ପରୀକ୍ଷା ଦେଲେ ୧୮୯ ପରୀକ୍ଷାର୍ଥୀ

ସୋର: ବାହାନଗା ହାଇସ୍କୁଲରେ ପରୀକ୍ଷା ଦେଲେ ୧୮୯ ଶିକ୍ଷାର୍ଥୀ। ଆରମ୍ଭ ହୋଇଛି ଚଳିତ ଶିକ୍ଷା ବର୍ଷର ମାଟ୍ରିକ ପରୀକ୍ଷା। ବାଲେଶ୍ଵର ବାହାନଗା ଟ୍ରେନ ଦୁର୍ଘଟଣା ନେଇ ଏବେ ବି ଛାତ୍ର ଛାତ୍ରୀ ମାନଙ୍କ ମଧ୍ୟରେ ଭୟ ରହିଛି । ବାହାନଗା ହାଇସ୍କୁଲ ପରିସରରେ ଶ୍ରେଣୀ ଗୃହରେ ଟ୍ରେନ ଦୁର୍ଘଟଣାରେ ପ୍ରାଣ ହରାଇଥିବା ବ୍ଯକ୍ତିଙ୍କର ମୃତ ଦେହ ରଖାଯାଇଥିଲା।

ଏଥିପାଇଁ ଅଭିଭାବକଙ୍କ ଅଭିଯୋଗକୁ ଭିତ୍ତି କରି ପ୍ରଶାସନ ସେହି ଶ୍ରେଣୀ ଗୃହ ଗୁଡିକୁ ଭାଙ୍ଗି ନୂତନ ଗୃହ ନିର୍ମାଣ କରିଥିଲା। ଏବେ ବାହାନଗା ହାଇସ୍କୁଲରେ ମାଟ୍ରିକ ପରୀକ୍ଷା କେନ୍ଦ୍ର ଖୋଲା ଯାଇ ୧୮୯ ପରୀକ୍ଷାର୍ଥୀ ପରୀକ୍ଷା ଦେଉଛନ୍ତି। ସରକାରଙ୍କ ନୂତନ ଶିକ୍ଷା ନୀତି ଅନୁସାରେ ପରୀକ୍ଷା ଆରମ୍ଭ ହୋଇଛି । ଛାତ୍ରଛାତ୍ରୀ ମାନଙ୍କ ମଧ୍ୟରେ କୌଣସି ଭୟ ନାହିଁ ବୋଲି ସମ୍ପୃକ୍ତ ବିଦ୍ୟାଳୟର ପ୍ରଧାନ ଶିକ୍ଷକ କହିଛନ୍ତି ।