ଶିକ୍ଷକ ନେଇଗଲେ ମୋବାଇଲ, ସ୍କୁଲରେ ନିଆଁ ଲଗାଇଦେଲା ଛାତ୍ରୀ, ୨୦ ମୃତ
ଓ୍ବାସିଂଟନ: ୧୪ ବର୍ଷିୟ ଜଣେ ଛାତ୍ରୀ ସ୍କୁଲରେ ନିଆଁ ଲଗାଇଦେଇଛି । ଆଉ ଏହି ନିଆଁ ଏତେ ଭୟଙ୍କର ହେଲା ଯେ, ୨୦ ଜଣ ମୃତ୍ୟୁ ବରଣ କରିଛନ୍ତି । କୁହାଯାଉଛି, ଶିକ୍ଷକ ଉକ୍ତ ଛାତ୍ରୀଠାରୁ ମୋବାଇଲ ଛଡ଼ାଇ ନେଇଥିଲେ, ଏଥିପାଇଁ ଛାତ୍ରୀ ଜଣଙ୍କ ରାଗରେ ଥିଲା । ନିଆଁ ଲଗାଇବା ଆଗରୁ ସେ ଗାଳି ବି ଦେଇଥିଲା ।
ଏହି ଘଟଣା ଘଟିଛି ସାଉଥ ଆମେରିକାରେ । ଗତ ସୋମବାର ମହଦିଆ ସେକେଣ୍ଡାରୀ ସ୍କୁଲର ଗାର୍ଲ୍ସ ହଷ୍ଟେଲରେ ନିଆଁ ଲାଗିଥିଲା । ଦେଖୁଦେଖୁ ନିଆଁ ସ୍କୁଲର ଏକ ବଡ଼ ଭାଗକୁ ନିଜ ଆୟତ୍ତକୁ ନେଇଯାଇଥିଲା । ଅନେକ ଛାତ୍ରୀ ରୁମ ଭିତରେ ଫସି ଯାଇଥିଲେ । ଅଗ୍ନିସମ ବାହିନୀ ଆସିବା ପୂର୍ବରୁ ୨୦ଜଣଙ୍କ ଜୀବନ ଚାଲି ଯାଇଥିଲା ।
ପୋଲିସ ତଦନ୍ତରୁ ଜଣାପଡ଼ିଥିଲା ଯେ, ନିଆଁ ଆଉ କେହି ନୁହେଁ ସ୍କୁଲର ଜଣେ ଛାତ୍ରୀ ହିଁ ଲଗାଇଛି । ଶିକ୍ଷକ ଛାତ୍ରୀଙ୍କ ମୋବାଇଲ ଜବତ କରିଥିବାରୁ ରାଗରେ ଆସି ଛାତ୍ରୀ ଜଣଙ୍କ ଏପରି କରିଛନ୍ତି ।
ପୋଲିସ୍ ଏ ବିଷୟରେ ଅଧିକ ଦତନ୍ତ କରି ଜାଣିବାକୁ ପାଇଛି ଯେ, ଛାତ୍ରୀଜଣଙ୍କ ବାହାର ଜଣେ ଖରାପ ବ୍ୟକ୍ତିଙ୍କ ସହ ସମ୍ପର୍କରେ ଥିଲେ । ଏଥିପାଇଁ ସ୍କୁଲ କର୍ତୃପକ୍ଷ ଏପରି ନିଷ୍ପତ୍ତି ନେଇଥିଲେ । ଛାତ୍ରୀର ବୟସ ୧୪ ବର୍ଷ । ମୋବାଇଲ ଛଡ଼ାଇ ନେଲାବେଳେ ଛାତ୍ରୀ ନିଆଁ ଲଗାଇଦେବ ବୋଲି ଧମକ ଦେଇଥିଲା ।
