ଅସାବଧାନତା କାରଣରୁ ଟ୍ରେନ୍ରେ ପିଟିହୋଇ ଚାଲିଗଲା ଜୀବନ, ଭିଡିଓ ହେଲା ଭାଇରାଲ
ସମ୍ବଲପୁର: ଟ୍ରେନ୍ରେ ପିଟିହେବାର ଲାଇଭ ଚିତ୍ର। ଦୁର୍ଘଟଣା ବେଳର ଭିଡିଓ ସୋସିଆଲ ମିଡିଆରେ ହେଲା ଭାଇରାଲ। ଅସାବଧାନତା କାରଣରୁ କେଉଁଭଳି ଜୀବନ ଚାଲିଯାଏ ତାର ଏକ ଜ୍ୱଳନ୍ତ ଉଦାହରଣ ସିସିଟିଭିରେ ହେଲା କଏଦ। ୨ ସେକେଣ୍ଡରେ ବଦଳିଗଲା ଜୀବନ ମୃତ୍ୟୁର ଖେଳ। ସମ୍ବଲପୁର ଫାଟକ ରେଳ ଷ୍ଟେସନ ନିକଟରେ ରେଳ ଲାଇନ୍ ପାର୍ ବେଳେ ଦୁର୍ଘଟଣା ଘଟିଛି।
ଜଣେ ଯୁବକ ଅସୁରକ୍ଷିତ ଭାବେ ରେଳଲାଇନ୍ ପାର ବେଳେ ଟ୍ରେନ୍ ତାଙ୍କୁ ଧକ୍କା ଦେଇଥିଲା। ଏଥିରେ ଯୁବକଙ୍କ ମୃତ୍ୟୁ ହୋଇଛି । ସେହି ସମୟର ଦୃଶ୍ୟ ସିସିଟିଭିରେ କଏଦ ହୋଇଛି। ଏହି ସିସିଟିଭି ଫୁଟେଜ୍ ଏବେ ମୋବାଇଲରୁ ମୋବାଇଲକୁ ଘୁରି ବୁଲୁଛି। ପ୍ରତିଦିନ ରାଜ୍ୟରେ ଘଟୁଛି ଏଭଳି ଅନେକ ଘଟଣା। ଅସୁରକ୍ଷିତ ଓ ବେଖାତିର ଭାବେ ରାସ୍ତା ପାର ହେଉଥିବା ବେଳେ ମୃତ୍ୟୁ ମୁଖରେ ପଡୁଛନ୍ତି ଏକାଧିକ ଲୋକେ ।
