ମହାମାରୀରେ ଜୀବନ ଦେଉଛି ଓଡିଶା ମୋ ପରିବାର, ସଂଗ୍ରହ ହେଲାଣି ୧ଲକ୍ଷ ୟୁନିଟ ରକ୍ତ

ଭୁବନେଶ୍ୱର: ମହାମାରୀ ସମୟରେ ଓଡିଶା ମୋ ପରିବାରର କୃତିତ୍ୱ । ମୁଖ୍ୟମନ୍ତ୍ରୀଙ୍କ ଆହ୍ୱାନ କ୍ରମେ ସାରା ଓଡ଼ିଶାରେ ଓଡିଶା ମୋ ପରିବାର ଆନୁକୂଲ୍ୟରେ ଆୟୋଜିତ ରକ୍ତଦାନ ଶିବିର ଦ୍ୱାରା ସଂଗୃହିତ ହେଲାଣି ୧ ଲକ୍ଷ ୟୁନିଟ ରକ୍ତ । ୧ ଲକ୍ଷ ୟୁନିଟ ରକ୍ତ ସଂଗ୍ରହ ଲକ୍ଷ୍ୟ ହାସଲ ଅବସରରେ କୃତଜ୍ଞତା ଜଣାଇଛି ଓଡିଶା ମୋ ପରିବାର କର୍ମକର୍ତ୍ତା ବୃନ୍ଦ ।

ମହାମାରୀ କୋଭିଡ ସଙ୍କଟ ସମୟରେ ରାଜ୍ୟର ଅନେକ ମେଡିକାଲରେ ରକ୍ତ ଅଭାବ ପରିଲିଖିତ ହେଉଛି । ଓଡ଼ିଶା ମୋ ପରିବାରର ଏଭଳି କାର୍ଯ୍ୟ ଅନେକ ରୋଗୀଙ୍କ ଜୀବନ ବଞ୍ଚାଇବାରେ ସହାୟକ ସାଜିଛି । ମୁଖ୍ୟମନ୍ତ୍ରୀଙ୍କ ଆହ୍ୱାନକ୍ରମେ ସମଗ୍ର ରାଜ୍ୟରେ ରକ୍ତ ସଂଗ୍ରହ ଜାରି ରହିଛି ।

ଏପରି ସ୍ଥିତିରେ ରକ୍ତଦାନ ଭଳି ମହାନ କାର୍ଯ୍ୟ ଜାରି ରଖିଛି ଓଡ଼ିଶା ମୋ ପରିବାର । ବର୍ତ୍ତମାନ ସୁଦ୍ଧା ୧ଲକ୍ଷ ୟୁନିଟ ରକ୍ତ ସଂଗ୍ରହ କରାଯାଇଥିବାବେଳେ ଆଗାମୀ ଦିନରେ ଏହି କାର୍ଯ୍ୟ ଜାରି ରହିବ ବୋଲି ସଂକ୍ଳପ ନେଇଛନ୍ତି ସଦସ୍ୟ ।