ବ୍ରିଜ୍ ଉପରେ ଗାଡ଼ି ରଖି ଭରା ନଦୀକୁ ଡେଇଁଲେ ୨୮ ବର୍ଷୀୟ ଯୁବକ

ଭୁବନେଶ୍ୱର: ଧୁ ଧୁ ଖରାବେଳ । ରାଜପଥରେ ଯିଏ ଯାହା କାମରେ ମାଡ଼ି ଚାଲିଥାନ୍ତି । ନୀଳରଙ୍ଗର ସ୍କୁଟି ଧରି ଯାଉଥିବା ଜଣେ ଯୁବକ ହଠାତ୍ ଦୟା ନଦୀ ଉପରେ ଅଟକି ଯାଇଥିଲେ । କେହି କିଛି ବୁଝିବା ଆଗରୁ ଦୟା ନଦୀର ଭରା ଗର୍ଭକୁ ଡେଇଁ ପଡ଼ିଥିଲେ ଯୁବକ ଜଣକ ।

ନଦୀ ଗର୍ଭକୁ ଡେଇଁଥିବା ଯୁବକ ଜଣକ ଓଲ୍ଡ ଟାଉନ୍ କପିଳେଶ୍ୱର ଖୁଣ୍ଟିଆ ସାହିର ମଧୁସୂଦନ ଖୁଣ୍ଟିଆ ବୋଲି ଜଣାପଡ଼ିଛି । ତେବେ, ସେ କେଉଁ ପରିସ୍ଥିତିରେ କାହିଁକି ଦୟା ଗର୍ଭକୁ ଡେଇଁଲେ ତାହା ଜଣାପଡ଼ିନାହିଁ । ଘଟଣାସ୍ଥଳରେ ଧଉଳି ପୋଲିସ ଓ ଦମକଳ ବାହିନୀ ପହଞ୍ଚି ସର୍ଚ୍ଚ ଅପରେସନ୍ ଜାରି ରଖିଛନ୍ତି ।