ଅଗଷ୍ଟ ସୁଦ୍ଧା ୩୦ କୋଟି ଲୋକଙ୍କୁ ଟିକା ଦେବାକୁ ଲକ୍ଷ

ଅପେକ୍ଷାର ଅନ୍ତ। ଓଡ଼ିଶାରେ ପହଞ୍ଚିଲା କରୋନା ଟିକା । ଆସନ୍ତା ୧୬ରୁ ଆରମ୍ଭ ହେବ ଟିକାକରଣ। ପ୍ରଥମ ପର୍ଯ୍ୟାୟରେ ଟିକାକରଣ ପାଇଁ ୨୧ ହଜାର ଡାକ୍ତରଙ୍କ ସମେତ ସ୍ୱାସ୍ଥ୍ୟକର୍ମୀ ଓ ଆଗଧାଡ଼ିର କରୋନା ଯୋଦ୍ଧାଙ୍କ ତାଲିକା ପ୍ରଦାନ କରାଯାଇଛି। ସେହିପରି ସାରା ଦେଶରେ ସମୁଦାୟ ୩ କୋଟି ସ୍ୱାସ୍ଥ୍ୟକର୍ମୀ ଓ ଆଗଧାଡ଼ିର କରୋନା ଯୋଦ୍ଧାଙ୍କୁ ଏହି ଟିକା ଦିଆଯିବ। ଆଉ ଏହାପରେ ୫୦ ବର୍ଷରୁ ଉର୍ଦ୍ଧ୍ୱ ଓ ବିଭିନ୍ନ ରୋଗରେ ପୀଡ଼ିତ ଥିବା ୨୭କୋଟି ବ୍ୟକ୍ତିଙ୍କୁ ଦିଆଯିବ। ୨୦୨୧ ଅଗଷ୍ଟ ସୁଦ୍ଧା ୩୦ କୋଟି ଲୋକଙ୍କୁ ଏହି ଟିକା ଦେବାକୁ ଲକ୍ଷ୍ୟ ରଖାଯାଇଛି।

ଏକ ସର୍ଭେ ଅନୁଯାୟୀ ସରକାରଙ୍କୁ ଏହି ଟାର୍ଗେଟ ପୂରଣ କରିବାକୁ ହେଲେ ପ୍ରତି ଦିନ ୧୩ ଲକ୍ଷ ଲୋକଙ୍କୁ ଟିକା ଦେବାକୁ ପଡ଼ିବ। ଏହା ସରକାରଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ। କାରଣ ଚୀନ ବ୍ୟତୀତ ଅନ୍ୟ କୌଣସି ଦେଶରେ ଗୋଟିଏ ଦିନେର ଏତେ ଲେକଙ୍କୁ ଟିକା ଦିଆଯାଇ ନାହିଁ। ଚୀନ ଦିନକୁ ୨୨ ଲକ୍ଷରୁ ଅଧିକ ଲୋକଙ୍କୁ ଟିକା ଦେବା ସୂଚନା ରହିଛି। ସେହିଭଳି ଆମେରିକାରେ ଦିନକୁ ୫ ଲକ୍ଷ ୩୭ ହଜାର ଏବଂ ୟୁକେ ରେ ୪ ଲକ୍ଷ ୭୨ ହଜାର ଲୋକଙ୍କୁ ଟିକା ଦିଆଯାଉଛି।

କେମିତି ଚ୍ୟାଲେଞ୍ଜ ପୂରା କରିବ ଭାରତ

  •  ଟୀକାକରଣର ପାଇଁ ପ୍ରାୟ ୨ ହଜାର ୩୬୦ ସ୍ୱାସ୍ଥ୍ୟକର୍ମୀଙ୍କୁ ଜାତୀୟ ସ୍ତରରେ ତାଲିମ ଦିଆଯାଇଛି । ଏଥିରେ ଟୀକାକରଣ ଅଧିକାରୀ, କୋଲ୍ଡ ଚେନ୍ ଅଧିକାରୀ, ଡେଭଲପମେଣ୍ଟ ପାର୍ଟନର ଏବଂ ଅନ୍ୟମାନେ ସାମିଲ ଅଛନ୍ତି। ଏହା ବ୍ୟତୀତ ପ୍ରାୟ ୬୧ହଜାର ପ୍ରୋଗ୍ରାମ ମ୍ୟାନେଜର, ୨ ଲକ୍ଷ ଟୀକାକରଣକାରୀ ଏବଂ ଟୀକାକରଣ ଦଳର ଅନ୍ୟ ୩.୭ ଲକ୍ଷ ସଦସ୍ୟଙ୍କୁ ସେମାନଙ୍କୁ ରାଜ୍ୟ, ଜିଲ୍ଲା ଏବଂ ବ୍ଲକ ସ୍ତରରେ ତାଲିମ ଦିଆଯାଇଛି।
  • ୩୩ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ୬୧୫ଟି ଜିଲ୍ଲାର ୪୮୯୫ଟି କେନ୍ଦ୍ରରେ ଡ୍ରାଏରନ୍ କରାଯାଇଛି। ଯୋଜନା ଅନୁଯାୟୀ ଏପର୍ଯ୍ୟନ୍ତ ପ୍ରତ୍ୟେକ ସ୍ଥାନରେ ୧୦୦ ରୁ ୨୦୦ ଲୋକଙ୍କୁ ଟିକା ଦିଆଯିବ।
  •  ପ୍ରାରମ୍ଭରେ ଟିକା ଉପଲବ୍ଧତା ସୀମିତ ରହିଛି। ସେରମ ଇନଷ୍ଟିଚ୍ୟୁଟ ୧୦ କୋଟି କୋଭିସିଲ୍ଡ ଯୋଗାଇଦେବାକୁ ପ୍ରତିଶୃତି ଦେଇଛି । ଆଗକୁ ଭାରତ ବାୟୋଟେକ୍ ବି କୋଭାକ୍ସିନର ସମାନ ମାତ୍ରା ପ୍ରଦାନ କରିବ। ଉଭୟ କମ୍ପାନୀ କରୋନା ଟିକା ଉତ୍ପାଦନ ପାଇଁ ଏକ ନୂତନ ବିକଶିତ ପ୍ରଣାଳୀ ପ୍ରସ୍ତୁତ କରିଛନ୍ତି, ଯାହା ମାର୍ଚ୍ଚ କିମ୍ବା ଏପ୍ରିଲରେ କାର୍ଯ୍ୟ ଆରମ୍ଭ କରିବ। ଏହା ପରେ ଟିକା ଉତ୍ପାଦନ କ୍ଷମତା ଏବଂ ଟିକା ଉପଲବ୍ଧତା ବୃଦ୍ଧି ହେବ।
  •  ଏବଂ ମାର୍ଚ୍ଚ ପରେ ଅନ୍ୟ ଟିକା ଯେପରିକି ଜାୟଡସ୍ କ୍ୟାଡିଲାର ଟିକା ମଧ୍ୟ ଅନୁମୋଦନ ହେବାର ଆଶା କରାଯାଉଛି। ଅର୍ଥାତ୍ ମାର୍ଚ୍ଚ ଏବଂ ଏପ୍ରିଲ ପରେ ଟୀକାର ଉପଲବ୍ଧତା ସହିତ ଟୀକାକରଣର ଗତି ବି ବୃଦ୍ଧି ପାଇବ। ଏହା ସହିତ ଅଗଷ୍ଟ ୨୦୨୧ ସୁଦ୍ଧା ୩୦କୋଟି ଲୋକଙ୍କୁ ଟୀକାକରଣର ଲକ୍ଷ୍ୟ ପୂରଣ ହୋଇପାରିବ।

Leave a Reply