କିଭଳି ରହିବ ଅନଲକ୍ ୫.୦ର ରୂପରେଖ ? ସିନେମା ହଲ୍, ସୁଇମିଂ ପୁଲ୍ ଓ ଥିଏଟର ଖୋଲିବା ନେଇ ହୋଇପାରେ ନିଷ୍ପତ୍ତି

ନୂଆଦିଲ୍ଲୀ: ଆଜି ଶେଷ ହେଉଛି ଅନଲକ୍ ୪.୦ । କାଲିଠୁ ଆରମ୍ଭ ହେବ ଅନଲକ୍ ୫.୦ । କିଭଳି ରହିବ ଅନଲକ୍ ୫.୦ର ରୂପରେଖ ସେ ନେଇ ଆରମ୍ଭ ହୋଇଛି ଚର୍ଚ୍ଚା । ଦୀର୍ଘ ଦିନ ଧରି ସମସ୍ତ ଧର୍ମାନୁଷ୍ଠାନ ବନ୍ଦ ଥିବାବେଳେ ଅନଲକ୍ ୫.୦ରେ ମନ୍ଦିର ଖୋଲିବ କି ନାହିଁ ତାହା ଉପରେ ରହିଛି ନଜର । ସେହିଭଳି ସିନେମା ହଲ୍, ସୁଇମିଂ ପୁଲ୍ ଓ ଥିଏଟର ଖୋଲିବ କି ନାହିଁ ସେ ନେଇ ନିଷ୍ପତ୍ତି ନେବେ ସରକାର ।

ଦେଶ ଓ ରାଜ୍ୟରେ ଅଗଷ୍ଟ ତୁଳନାରେ ସେପ୍ଟେମ୍ବରରେ କରୋନା ସକ୍ରିୟ ରୂପ ଧାରଣ କରିଛି । ଅକ୍ଟୋବର ମାସରେ ମଧ୍ୟ କରୋନାର ସ୍ଥିତି ସମାନ ରହିବା ନେଇ ଆକଳନ କରାଯାଉଛି । ଏଭଳି ସ୍ଥିତିରେ ସମସ୍ତ ଧର୍ମାନୁଷ୍ଠାନ , ସିନେମା ହଲ୍, ସୁଇମିଂ ପୁଲ୍ ଓ ଥିଏଟର ଖୋଲିବ କି ନାହିଁ ତାକୁ ନେଇ କଳ୍ପନାଜଳ୍ପନା ଲାଗି ରହିଛି । କରୋନା କଟକଣା ସମୟରେ ସରକାର ଲକଡାଉନ୍ ଓ ପରେ ଅନଲକ୍ ଘୋଷଣା କରିଥିଲେ ।