ଅନ୍ଧାରୀ ମୂଲକର ଦାବି : ୨ଶହ ଦିନର କାମ ଓ ଶିକ୍ଷିତଙ୍କୁ ଚାକିରି ଦିଅ

1 min read

ମାଲକାନଗିରି : ପଞ୍ଚାୟତରେ ୨ଶହ ଦିନର କାମ ମିଳୁ । ସରକାର କରୋନା ବେଳେ ଆମ ଭଳି ବିଚ୍ଛିନ୍ନବାଦୀଙ୍କ କଥା ବୁଝନ୍ତୁ । କରୋନା ଏମିତି ଆର୍ଥିକ ମେରୁଦଣ୍ଡ ଭାଙ୍ଗିଛି ଯେ ବଞ୍ଚିବା କଷ୍ଟ ହୋଇପଡ଼ୁଛି । ଏଭଳି ଦାବି ଉଠିଛି ମାଲକାନଗିରିର ଅନ୍ଧାରୀ ମୂଲକରୁ । ପଣସପୁଟ, ଅଣ୍ଡରାପାଲି, ଯୋଡାମ୍ଭ, ଗାଜଳମାମୁଡ଼ି ଓ ନାକାମାମୁଡ଼ି ଭଳି ୫ଟି ପଞ୍ଚାୟତ ଏକଜୁଟ ହୋଇ ପ୍ରଶାସନ ବିରୋଧରେ ସ୍ୱର ଉତ୍ତୋଳନ କରିଛନ୍ତି ।

୯ ଦଫାର ଦାବି ପତ୍ରରେ ସେ କରୋନା ପରେ ସରକାରଙ୍କଠାରୁ ଚାହୁଁଥିବା ନାର୍ଯ୍ୟ ଦାବିକୁ ଉଲ୍ଲେଖ କରିଛନ୍ତି । କରୋନା ପରେ ଆଦିବାସୀଙ୍କ ସ୍ଥିତି ବଞ୍ଚିବା ଯୋଗ୍ୟ ହୋଇନାହିଁ । ଏଣୁ ସରକାର ମନରେଗାରେ ୨ଶହ ଦିନର କାମ ଓ ଦୈନିକ ମଜୁରୀ ୫ଶହ ଟଙ୍କା ଦେବା ପାଇଁ ଦାବି କରିଛନ୍ତି । ଅନ୍ୟପକ୍ଷରେ କୋଭିଡ୍ ମୁକାବିଲା ପାଇଁ ଉକ୍ତ ୬ଟି ପଞ୍ଚାୟତରେ ଏମବିବିଏସ ଡ଼ାକ୍ତଙ୍କର ଆବଶ୍ୟକତା ରହିଥିବା ଦାବିରେ ଉଲ୍ଲେଖ କରାଯାଇଛି । ଖୁବ୍ ଶୀଘ୍ର ଡ଼ାକ୍ତର ଓ ଡ଼ାକ୍ତରୀ ସୁବିଧା ସରକାରଙ୍କ ଦ୍ୱାରା ଉପଲବଧ ହେଉ ବୋଲି ଆଦିବାସୀମାନେ ଦାବି କରିଛନ୍ତି । ସେହିଭଳି ବିଚ୍ଛିନ୍ନାଞ୍ଚଳରେ ଥିବା ଶିକ୍ଷିକ ଯୁବକ-ଯୁବତୀଙ୍କ ପାଇଁ ନିଯୁକ୍ତି ଯୋଗାଇବା ପାଇଁ କହିଛନ୍ତି ।

Leave a Reply