ଟ୍ରାନ୍ସଫର୍ମର ସମ୍ପୂର୍ଣ୍ଣ ପୋଡିଯାଇଥିବାରୁ ୬ଟି ସ୍ଥାନରେ ବିଦ୍ୟୁତ୍ ସରବରାହ ସମ୍ପୂର୍ଣ୍ଣ ବନ୍ଦ

1 min read

ଢେଙ୍କାନାଳ: ଢେଙ୍କାନାଳ କଣ୍ଟାବଣିଆ ଓପିଟିସିଏଲ ଗ୍ରୀଡ଼ରେ ଭୀଷଣ ଅଗ୍ନିକାଣ୍ଡ । ୧୦ ଟି ଅଗ୍ନିଶମ ଗାଡି ନିଆଁ ଲିଭା କାମରେ ନିୟୋଜିତ ହୋଇଛନ୍ତି । କେଉଁ କାରଣରୁ ନିଆଁ ଲାଗିଲା ଜଣାପଡିନାହିଁ । ଗ୍ରୀଡ଼ ପରିସରରୁ ସମସ୍ତ କର୍ମଚାରୀଙ୍କୁ ପଦାକୁ ବାହାର କରିଦିଆଯାଇଛି । ସୂଚନା ଅନୁସାରେ ଆଜି ସକାଳ ୭ଟାରେ ଗ୍ରୀଡ଼ ରେ ଥିବା ୩୧୫ ଏମବିଏ ମେଗା ୱାଟ୍ ଟ୍ରାନ୍ସଫର୍ମମରେ ହଠାତ ଅଗ୍ନିକାଣ୍ଡ ଘଟିଥିଲା ।

ଟ୍ରାନ୍ସଫର୍ମରରୁ ଡିଜେଲ ଲିକ୍ ହୋଇ ସଟର୍ସର୍କିଟରୁ ନିଆଁ ଲାଗିଥିବା ପ୍ରାଥମିକ ତଦନ୍ତରୁ ଜଣାପଡିଛି ।  ଅଗ୍ନିକାଣ୍ଡରେ ପ୍ରାୟ ୧୪କୋଟି ଟଙ୍କାର ଟ୍ରାନ୍ସଫର୍ମରଟି ସମ୍ପୂର୍ଣ୍ଣ ପୋଡିଯାଇଛି । ଟ୍ରାନ୍ସଫର୍ମମରରେ ପାଖାପାଖି ୧୨ ହଜାର ଲିଟର ଡିଜେଲ ଥିଲା  । ଯେଉଁଥିପାଇଁ ନିଆଁ କୁ ଆୟତ୍ତ କରିବା ଅସମ୍ଭାଳ ହୋଇପଡିଥିଲେ ।

ପାଖାପାଖି ୧୦ଟି ଦମକଳ ଗାଡି ସହ ୫୦ ଜଣ ଅଗ୍ନିଶମ କର୍ମଚାରୀ ଏହି ନିଆଁ କୁ ଆୟତ୍ତ ପାଇଁ ଲାଗିରହିଛନ୍ତି । କୌଣସି ଅଘଟଣକୁ ଏଡାଇବାପାଇଁ ସ୍ଥାନୀୟ ଲୋକଙ୍କୁ ସତର୍କ କରାଯାଇଛି । ଘଟଣା ପରେ ବଂରପାଳ, ତାଳଚେର, ହିନ୍ଦୋଳ, ମେରମୁଣ୍ଡଳୀ, ଗୁଣ୍ଡିଚାପଡା, ଢେଙ୍କାନାଳ ସବୁଠି ବିଦ୍ୟୁତ୍ ସରବରାହ ବନ୍ଦ ରହିଛି । ତେବେ କେବେ ବିଦ୍ୟୁତ୍ ଆସିବ ତାହା ଜଣାପଡିନି ।

Opn Commnet Area

Leave a Reply

Your email address will not be published. Required fields are marked *

Close Bitnami banner