ବିବାଦୀୟ ଅଭିନେତା ସୈଫ ଅଲି ଖାନ୍‌, ପୂର୍ବରୁ ମଧ୍ୟ ହୋଇଛି ତାଣ୍ଡବ

1 min read

ନୂଆଦିଲ୍ଲୀ: ବିବାଦୀୟ ଷ୍ଟାରଙ୍କ ମଧ୍ୟରେ  ବଲିଉଡ ନବାବ  ସୈଫ ଅଲି ଖାନ୍‌ ଜଣେ ।  ଫିଲ୍ମର କାହାଣୀ ଠାରୁ ଆରମ୍ଭ କରି ବ୍ୟକ୍ତିଗତ ଜୀବନ ଏବଂ ବୟାନକୁ ନେଇ ସେ ସବୁବେଳେ ଚର୍ଚ୍ଚାକୁ ଆସିଯାନ୍ତି  । କେବେ ପୁଅର ନାଁକୁ ନେଇ ତ କେବେ କୌଣସି ଓ୍ୱେବସିରିଜରେ କାମ କରି । ନିକଟରେ ସୈଫଙ୍କୁ ନେଇ ଆରମ୍ଭ ହୋଇଛି ଆଉ ଏକ ନୂଆ ବିବାଦ । ବିବାଦ ନିକଟରେ ରିଲିଜ ହୋଇଥିବା ଓ୍ୱେବସିରିଜ ତାଣ୍ଡବକୁ ନେଇ । ଓ୍ୱେବସିରିଜ ଉପରେ ହିନ୍ଦୁ ଭାବନାକୁ ଆଘାତ ପହଞ୍ଚାଇଥିବା ଅଭିଯୋଗ ହୋଇଛି ।

ବିଜେପି  ବିଧାୟକ ରାମ କଦମ  ଫିଲ୍ମ ଅଭିନେତା ସୈଫ ଅଲି ଖାନଙ୍କୁ ଟାର୍ଗେଟ କରିଛନ୍ତି । ଯେଉଁଥିରେ ସୈଫ ଅଲି ଖାନ ଏହି ଭୁଲ ପୁଣି ଦୋହରାଇଥିବା ସେ ବୟାନ ଦେଇଛନ୍ତି ।

୨୦୧୬ରେ ପୁଅ ତୈମୁରକୁ ଜନ୍ମ ଦେଇଥିଲେ କରୀନା । ଯାହାକୁ ନେଇ ଫ୍ୟାନ୍ସ ଖୁବ ଖୁସି ହୋଇଥିଲେ । କିନ୍ତୁ ସୈଫ ଏବଂ କରୀନା ପୁଅର ନାମ ତୈମୁର ରଖିବାରୁ ଆରମ୍ଭ ହେଲା ବିବାଦ ।  ସୂଚନା ମୁତାବକ ତୁର୍କୀର ଜଣେ କ୍ରୁର ଶାସକ ଥିଲେ ତୈମୁର । ତେଣୁ ପୁଅର ଏଭଳି ନାମକରଣ ହୋଇଥିବାରୁ ଫ୍ୟାନ୍ସ ଖପା ହୋଇ ଯାଇଥିଲେ । ଏହାକୁ ନଜରରେ ରଖି ବିବାଦ ଆରମ୍ଭ ହୋଇଥିଲା । କିନ୍ତୁ ସେଭଳି କୌଣସି ତଥ୍ୟକୁ ଆଧାର କରି ପୁଅର ନାମକରଣ କରିନାହିଁ ବୋଲି ବୟାନ ଦେଇଥିଲେ ସୈଫ ।

ଖାଲି ସେତିକି ନୁହେଁ ଫିଲ୍ମ ଆଦିପୁରୁଷକୁ ନେଇ ମଧ୍ୟ ବିବାଦକୁ ଆସିଥିଲେ ସୈଫ । ଫିଲ୍ମରେ ରାବଣର ମାନବୀୟ ଚେହେରାକୁ ଦେଖାଇବାକୁ ଚେଷ୍ଟା କରିଥିବା କହିଥିଲେ ସୈଫ । ଯାହା ତାଙ୍କପାଇଁ ବିବାଦର କାରଣ ସାଜିଥିଲା । କିନ୍ତୁ କାହାର ଭାବନାକୁ ଆଘାତ ପହଞ୍ଚାଇବା ଉଦ୍ଦେଶ୍ୟରେ କହିନଥିବା ସେ ବୟାନ ଦେଇଥିଲେ । ଏହା ସହିତ କ୍ଷମାପ୍ରାର୍ଥନା ମଧ୍ୟ କରିଥିଲେ ।

ଅଜୟ ଦେବଗନ ଷ୍ଟାରର ଫିଲ୍ମ ତାହ୍ନାଜୀରେ ଭିଲେନ ଚରିତ୍ରରେ ନଜର ଆସିଥିଲେ ସୈଫ । ତାଙ୍କ ଜବରଦସ୍ତ ଆକ୍ଟିଂକୁ ଦର୍ଶକ ଖୁବ ପ୍ରଶଂସା କରିଥିଲେ । କିନ୍ତୁ ଏହାକୁ ନେଇ ମଧ୍ୟ ବିବାଦ ଆରମ୍ଭ ହୋଇଯାଇଥିଲା ଏବଂ ଟ୍ରୋଲର୍ସଙ୍କ ଟାର୍ଗେଟକୁ ଆସି ଯାଇଥିଲେ ସୈଫ । ଖାଲି ସେତିକି ନୁହେଁ ସୈଫ ଅଲି ଖାନଙ୍କ ଅଭିନୀତ ସାକ୍ରେଡ ଗେମ୍ସ ମଧ୍ୟ ବିବାଦକୁ ଆସିଥିଲା ।

 

Opn Commnet Area

Leave a Reply

Your email address will not be published. Required fields are marked *

Close Bitnami banner