ବିବାଦ ପରେ କ୍ଷମା ମାଗିଲେ ‘ତାଣ୍ଡବ’ ଟିମ୍

ମୁମ୍ବାଇ: ଆମାଜନ ପ୍ରାଇମରେ ରିଲିଜ୍‌ ହୋଇଥିବା ୱେବ ସିରିଜ୍‌ ‘ତାଣ୍ଡବ’କୁ ଦୃଢ ବିରୋଧ କରାଯିବା ପରେ କ୍ଷମା  କ୍ଷମା ମାଗିଛି ପୂରା ଟିମ୍‌।

ତାଣ୍ଡବର ପୂରା ଟିମ୍‌ ଏକ ପ୍ରେସ ବିବୃତି ଜାରି କରି ନିଃସର୍ତ୍ତ କ୍ଷମା ମାଗିଛନ୍ତି। ଏହି ୱେବ ସିରିଜି କୌଣସି ବ୍ୟକ୍ତି, ଜାତି, କିମ୍ବା କାହାର ଧାର୍ମିକ ଭାବନାକୁ ଆଘାତ ପହଞ୍ଚାଉନାହିଁ । ଏହା ଏକ କାଳ୍ପନିକ କଥା ବସ୍ତୁ ଉପରେ ଆଧାରିତ ଥିଲା। ଯଦି ଅଜାଣତରେ କାହାର ଭାବାବେଗକୁ ଆଘାତ ଲାଗିଛି ତାହେଲେ ପୂରା ତାଣ୍ଡବ ଟିମ୍ କ୍ଷମା ପ୍ରାର୍ଥନା କରୁଛି ।

ୱେବ ସିରିଜର କିଛି ଦୃଶ୍ୟ ହିନ୍ଦୁ ଧର୍ମର ଲୋକଙ୍କ ଭାବାବେଗକୁ ଆଘାତ ଦେଇଥିବା ନେଇ ଅଭିଯୋଗ ପରେ ବିବାଦ ଘନେଇଥିଲା । ପରିସ୍ଥିତି ଏଭଳି ହୋଇଥିଲା  ଯେ ଆମାଜନ ପ୍ରାଇମକୁ ସ୍ପଷ୍ଟୀକରଣ ମାଗିଥିଲେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ । ଏଥିସହିତ କିଛି ସ୍ଥାନରେ ’ତାଣ୍ଡବ’ ସିରିଜ୍ ବିରୋଧରେ ମାମଲା ରୁଜୁ କରାଯାଇଥିଲା ।

ସୂଚନାଯୋଗ୍ୟ ଯେ, ଆମାଜନର ଏହି ସିରିଜ ଏକ ପଲିଟିକାଲ ଡ୍ରାମା । ଯେଉଁଥିରେ ସୈଫ ଅଲ୍ଲୀ ଖାନ୍ ଓ ଡିମ୍ପଲ କପାଡିଆଙ୍କ ସହ ତିଗମାଂସୁ ଧୁଲିଆ ଅଭିନୟ କରୁଛନ୍ତି ।

ଆମାଜନ ପ୍ରାଇମର ଏହି ୱେବ ସିରିଜରେ ସୈଫ ଏବଂ ଡିମ୍ପଲଙ୍କ ବ୍ୟତୀତ ସୁନୀଲ ଗ୍ରୋଭର, ଅୟୁବ ଖାନ, ତିଗମାଂସୁ ଧୁଲିଆ, କୁମୁଦ ମିଶ୍ରା, ସାରା ଜେନ ଡିୟାସ, ଡିନୋ ମୌର୍ଯ୍ୟା, ଗୈହର ଖାନ, ଅନୁପ ସୋନୀ, କୃତିକା କାମରା, ହିତେନ ତେଜୱାନୀ, ଅମାୟରା ଦସ୍ତୁର ମଧ୍ୟ ମୁଖ୍ୟ ଭୂମିକାରେ ନଜର ଆସିଛନ୍ତି । ତାଣ୍ଡବ ୱେବ ସିରିଜ ଜାନୁଆରୀ ୧୫ ତାରିଖ ଦିନ ରିଲିଜ ହେବାକୁ ଯାଉଛି ।

ଏଥିସହ ପଢନ୍ତୁ- ‘ତାଣ୍ଡବ’ ୱେବ୍ ସିରିଜକୁ ନେଇ ବିବାଦ, ରାସ୍ତାକୁ ଓହ୍ଲାଇଲା ବିଜେପି