Sandalwood drugs case: କନ୍ନଡ଼ ଅଭିନେତ୍ରୀ ରାଗିଣୀ ଦ୍ୱିବେଦୀଙ୍କୁ ମିଳିଲା ଜାମିନ

1 min read

ବେଙ୍ଗାଲୁରୁ: ଡ୍ରଗ୍ସ ରାକେଟ୍ ଲିଂଙ୍କରେ ଗିରଫ ହୋଇଥିବା କନ୍ନଡ଼ ଅଭିନେତ୍ରୀ ରାଗିଣୀ ଦ୍ୱିବେଦୀଙ୍କୁ ମିଳିଲା ଜାମିନ। ଗତ ଗୁରୁବାର ସୁପ୍ରିମକୋର୍ଟ ଅଭିନେତ୍ରୀ ରାଗିଣୀଙ୍କୁ ଦ୍ୱିବେଦୀଙ୍କୁ ଜାମିନ ପ୍ରଦାନ କରିଛନ୍ତି। ସେପ୍ଟେମ୍ବର ୪ରୁ ଜେଲରେ ଥିବା ରାଗୀଣୀଙ୍କୁ ୪ ମାସ ପରେ ଆଶ୍ୱସ୍ତି ମିଳିଛି।

ରାଗିଣୀ ଦ୍ୱିବେଦୀଙ୍କୁ ଜାମିନ ପ୍ରଦାନ କରି ସୁପ୍ରିମକୋର୍ଟ କହିଛନ୍ତି ଯେ ଯେଉଁ ବିଭାଗରେ ରାଗିଣୀଙ୍କୁ ଗିରଫ କରାଯାଇଛି ସେଥିରେ ଏକ ବର୍ଷ ଜେଲ ଦଣ୍ଡ ରହିଛି, ତେଣୁ ଅଭିନେତ୍ରୀ ଜାମିନ ପାଇବାକୁ ହକଦାର। ଅନ୍ୟପଟେ ରାଗିଣୀ ଦ୍ୱିବେଦୀଙ୍କ ଓକିଲ କହିଛନ୍ତି ଯେ ଅଭିନେତ୍ରୀଙ୍କଠାରୁ କୌଣସି ଡ୍ରଗ୍ସ କିମ୍ବା ନିଶାଦ୍ରବ୍ୟ ଜବତ ହୋଇନାହିଁ। ଏକ ଷଡ଼ଯନ୍ତ୍ର ରଚାଯାଇ ରାଗିଣୀଙ୍କୁ ଗିରଫ କରାଯାଇଥିବା ତାଙ୍କ ଓକିଲ ଅଭିଯୋଗ କରିଛନ୍ତି।

ସୂଚନା ଅନୁଯାୟୀ, ପୂର୍ବରୁ  ନଭେମ୍ବର ୨ରେ କର୍ଣ୍ଣାଟକ ହାଇକୋର୍ଟ ରାଗିଣୀଙ୍କ ଜାମିନ ଆବେଦନକୁ ଖାରଜ କରିଦେିଥିଲେ।

ସୂଚନାଯୋଗ୍ୟ, ସେଣ୍ଟ୍ରାଲ କ୍ରାଇମବ୍ରାଞ୍ଚ୍ କନ୍ନଡ଼ ଫିଲ୍ମ ଇଣ୍ଡଷ୍ଟ୍ରିରେ ଡ୍ରଗ୍ସ ବ୍ୟବହାର ଅଭିଯୋଗରେ ଅଭିନେତ୍ରୀ ରାଗିଣୀ ଦ୍ୱିବେଦୀଙ୍କୁ ଗିରଫ କରିଥିଲା। ରାଗିଣୀଙ୍କୁ ସାଣ୍ଡଲଉଡ୍ ପାର୍ଟିରେ ଡ୍ରଗ୍ସ ସପ୍ଲାଇ କରୁଥିବା ଅଭିଯୋଗରେ ଗିରଫ କରାଯାଇଥିଲା।

 

 

Opn Commnet Area

Leave a Reply

Your email address will not be published. Required fields are marked *

Close Bitnami banner