ପ୍ରାକୃତିକ ବିପର୍ଯ୍ୟୟ ହେଉ ଅବା ଆପତକାଳୀନ ପରିସ୍ଥିତି, ମୁକାବିଲା ପାଇଁ ଛାତ୍ରଛାତ୍ରୀଙ୍କୁ ପ୍ରଶିକ୍ଷଣ

Fire Saftey Mock Drill

ଧର୍ମଶାଳା: ପ୍ରାକୃତିକ ବିପର୍ଯ୍ୟୟ ହେଉ ଅବା ଆପତକାଳୀନ ପରିସ୍ଥିତି । ନିଜକୁ କିଭଳି ସୁରକ୍ଷିତ ରଖିହେବ ଏବଂ ଲୋକଙ୍କୁ କିପରି ସୁରକ୍ଷିତ ସ୍ଥାନାନ୍ତର କିରିହେବ, ତାକୁ ନେଇ ଚଣ୍ଡିଖୋଲ ଅଗ୍ନିଶମ କେନ୍ଦ୍ର ପକ୍ଷରୁ ଛାତ୍ରଛାତ୍ରୀଙ୍କୁ ଦିଆଯାଇଛି ପ୍ରଶିକ୍ଷଣ । ମକ୍‌ଡ୍ରିଲ୍ ମାଧ୍ୟମରେ ଧର୍ମଶାଳା ମହାବିଦ୍ୟାଳୟରେ ପିଲାମାନଙ୍କୁ ଶିକ୍ଷା ଦେଇଛନ୍ତି ଅଗ୍ନିଶମ କର୍ମଚାରୀ ।

ଏହି ଶିକ୍ଷା ଆଗକୁ ପିଲାଙ୍କ ବେଶ ସହାୟକ ହେବ ବୋଲି ଆଶା କରାଯାଉଛି । ଘରେ ଗ୍ୟାସ ସିଲିଣ୍ଡରରେ ନିଆଁ ଲାଗିବା ହେଉ କି ସଟସର୍କଟରୁ ନିଆଁ ଲାଗିବା । ଏଭଳି ଆପତକାଳୀନ ପରିସ୍ଥିତିକୁ କିଭଳି ମୁକାବିଲା କରିହେବ, ତାକୁ ନେଇ ଛାତ୍ରଛାତ୍ରୀଙ୍କୁ ମିଳିଛି ପ୍ରଶିକ୍ଷଣ । ନିଜକୁ ସୁରକ୍ଷିତ ରଖିବା ସହିତ ନିଆଁ କିପରି ଆୟତ୍ତ କରିହେବ, ତାକୁ ନେଇ ପ୍ରକ୍ଟିକାଲ କରିଛନ୍ତି ଛାତ୍ରଛାତ୍ରୀ ।

ଆପତକାଳୀନ ମୁକାବିଲା ପାଇଁ ପ୍ରଥମେ ଥିଓରୀ ପରେ ପ୍ରାକ୍ଟିକାଲ କରିଛନ୍ତି ଛାତ୍ରଛାତ୍ରୀ । ବିପର୍ଯ୍ୟୟ ସମୟରେ ଗ୍ୟାସ ଫାୟାର, ଜେନେରାଲ ଫାୟାର, ଅଏଲ ଫାୟାର, ହାଇଡ୍ରୋଲିକ୍‌ ରେସ୍‌କ୍ୟୁ ଟୁଲସ, ଟାୱାର ଲାଇଟ, ପୱାର ସ’ ର ବ୍ୟବହାର ମଧ୍ୟ ଶିକ୍ଷିଛନ୍ତି । ଏହି ପ୍ରଶିକ୍ଷଣ ଶିବିରରେ ୪ଟି କଲେଜ ଛାତ୍ରଛାତ୍ରୀ ଓ ଅବିଭାବକ ଭାଗ ନେଇଥିଲେ । ତେବେ ଅପତକାଳୀନ ସ୍ଥିତିରେ ପିଲାମାନଙ୍କୁ ଏହି ଶିକ୍ଷା ବେଶ ସହାୟକ ହେବ ବୋଲି ଆଶା କରାଯାଉଛି ।

Leave a Reply