WHO Study: ଗୁରୁତର କରୋନା ଆକ୍ରାନ୍ତଙ୍କୁ ବଞ୍ଚାଇପାରିବ ଷ୍ଟେରଏଡ୍

1 min read

ଭୁବନେଶ୍ୱର: କରୋନା ଚିକିତ୍ସା ପାଇଁ ମିଳିଲା ସଞ୍ଜିବନୀ । ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଏନେଇ ବଡ଼ ଦାବି କରିଛି । ଦୁନିଆର ଅଧିକାଂଶ ଦେଶରେ କରୋନା ସଂକ୍ରମଣ ମାମଲା ବଢ଼ି ଚାଲିଛି । ସଂକ୍ରମଣ ରୋକିବାକୁ ଭ୍ୟାକ୍ସିନ୍ ଉପରେ ରିସର୍ଚ୍ଚ କରୁଛନ୍ତି ବିଶ୍ୱର ବିଭିନ୍ନ ଦେଶ । କେତକ ଭ୍ୟାକ୍ସିନର ପରୀକ୍ଷଣ ଶେଷ ପର୍ଯ୍ୟାୟରେ ପହଞ୍ଚିଛି । ଏସବୁ ଭିତରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଅଧ୍ୟୟନରୁ ବଡ଼ ତଥ୍ୟ ମିଳିଛି । WHO ବୈଜ୍ଞାନିକଙ୍କ ଦ୍ୱାରା ହୋଇଥିବା ଅଧ୍ୟନରୁ ଏହି ତଥ୍ୟ ମିଳିଛି । ରିପୋର୍ଟରେ କୁହାଯାଇଛି ଷ୍ଟେରଏଡ୍ କରୋନା ସଂକ୍ରମିତ ଗମ୍ଭୀର ଆକ୍ରାନ୍ତଙ୍କ ଚିକିତ୍ସାରେ ଫଳପ୍ରଦ ହୋଇଛି ।

ଆମେରିକା ମେଡିକାଲ ଆସୋସିଏସନ ଜର୍ଣ୍ଣାଲରେ ପ୍ରକାଶିତ ରିପୋର୍ଟରେ ଅଲଗା ଅଲଗା ୭ଟି ଅଧ୍ୟୟନ ପରେ ଷ୍ଟେରଏଡ୍ ଗୁରୁତର କରୋନା ଆକ୍ରାନ୍ତଙ୍କୁ ବଞ୍ଚାଇ ପାରୁଥିବା କୁହାଯାଇଛି । ରିପୋର୍ଟ ମୁତାବକ କରୋନା ସହ ଲଢ଼ୁଥଛିବା ରୋଗୀ ଯାହାଙ୍କୁ ଅକ୍ସିଜେନ୍ ଦରକାର । ସେହିଭଳି କରୋନା ଆକ୍ରାନ୍ତଙ୍କ ଚିକିତ୍ସାରେ ଷ୍ଟେରଏଡ୍ ପ୍ରଭାବ ଦେଖାଉଛି । ଏପରିକି ଆକ୍ରାନ୍ତଙ୍କୁ ମୃତ୍ୟୁମୁଖରୁ ବଞ୍ଚାଇବାରେ ସହାୟକ ହେଉଛି ଷ୍ଟେରଏଡ୍ ।

ବଢ଼ିବ ଷ୍ଟେରଏଡ୍ ଦାମ

ଅକ୍ସଫୋର୍ଡ ବିଶ୍ୱବିଦ୍ୟାଳୟର ଡକ୍ଟର ମାର୍ଟିନ ଲୈଣ୍ଡ୍ରିଙ୍କ ମୁତାବକ- ଅଧ୍ୟୟନ ପରେ କୋଭିଡ୍ ୧୯ ଚିକିତ୍ସା ପାଇଁ ଷ୍ଟେରଏଡ୍ ଦାମ ବଢ଼ିଯିବ । ଏହି ଅଧ୍ୟୟନ ରିସର୍ଚ୍ଚକୁ ଲିଡ୍ କରୁଥିବା ଟିମରେ ମାର୍ଟିନ ଅଛନ୍ତି । ଷ୍ଟେରଏଡକୁ ଦୁନିଆର ଯେ କୌଣସି ଦେଶରେ ବ୍ୟବହାର କରାଯାଇ ପାରିବ । ଏହାକୁ ନେଇ ଇମ୍ପୋରିୟଲ କଲେଜ ଅଫ୍ ଲଣ୍ଡନର ଡକ୍ଟର ଏନ୍ଥନି ଗାର୍ଡନ କହିଛନ୍ତି କରୋନା ଚିକିତ୍ସା ଅନୁସନ୍ଧାନରେ ଏହା ବଡ଼ ସଫଳତା । ଷ୍ଟେରଏଡ୍ ଔଷଧ ଅଧିକ ମହଙ୍ଗା ନୁହେଁ ଓ ସବୁଠି ମିଳିପାରିବ । ଏହାର ବ୍ୟବହାର ବହୁ ବର୍ଷ ଧରି କରାଯାଉଛି । ତେବେ, ଅତ୍ୟଧିକ ମାତ୍ରାରେ ବ୍ୟବହାର ପାର୍ଶ୍ୱପ୍ରତିକ୍ରିୟା ଦେଖାଇପାରେ । ଏପିରିକି ଫୁସଫୁସ୍ କ୍ଷତିଗ୍ରସ୍ତ ହୋଇପାରେ ।

WHO ଆଡଭାଇଜରୀ

ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ ଏନେଇ ଆଡଭାଇଜରୀ ଜାରି ହୋଇଛି । ଷ୍ଟେରଏଡ୍ କେବଳ କରୋନା ସଂକ୍ରମିତ ଗୁରୁତର ରୋଗୀଙ୍କୁ ଦିଆଯାଇ ପାରିବ । ଏହାକୁ କରୋନାର ପ୍ରାଥମିକ ଲକ୍ଷଣ ଦେଉାଯାଉଥିଲେ ଦିଆଯିବନ ନାହିଁ । ଅଲଗା ଅଲଗା ସ୍ଥାନରେ ପ୍ରାୟ ୧୭୦୦ କରୋନା ସଂକ୍ରମିତଙ୍କ ଠାରେ ଏହାର ୩ ପ୍ରକାର ପରୀକ୍ଷଣ କରାଯାଇଛି । ଏଥିରୁ ଜଣାଯାଇଛି ଷ୍ଟେରଏଡ୍ ବ୍ୟବହାର ଦ୍ୱାରା ଗୁରୁତର ରୋଗୀଙ୍କ ମୃତ୍ୟୁ ଆଶଙ୍କା ଅନେକାଂଶରେ କମିଯାଇଛି ।

ସୂଚନାଯୋଗ୍ୟ ଯେ, ଡାକ୍ତର ଡେକ୍ସାମେଥାସୋନ, ହାଇଡ୍ରୋକାର୍ଟିସୋନ, ମିଥାଇଲପ୍ରେଡିସୋଲେନ ଭଳି ଷ୍ଟେରଏଡ୍ ଔଷଧ ରୋଗୀଙ୍କ ଶରୀରରେ ରୋଗ ପ୍ରତିଶେଧକ କ୍ଷମତା ବଢ଼ାଇବା ଲାଗି ଦିଆଯାଇଥାଏ । ଏହା ଦରଜ ସହିତ ମାଡ଼ ହୋଇଥିବା ସ୍ଥାନର ଫୁଲା ଅଂଶକୁ କମାଇଥାଏ ।

Leave a Reply

Your email address will not be published. Required fields are marked *

Close Bitnami banner