ଜାନୁଆରୀ ୨ ତାରିଖରୁ ଭୁବନେଶ୍ୱରରେ ଆରମ୍ଭ ହେବ ଦକ୍ଷିଣ ଭାରତକୁ ଦର୍ଶନ ଯାତ୍ରା

1 min read

ଭୁବନେଶ୍ୱର: ଦକ୍ଷିଣ ଭାରତ ମନ୍ଦିର ମାଳିନୀ ଦର୍ଶନ ଯାତ୍ରା ଜାନୁଆରି ୨ ତାରିଖରୁ ଭୁବନେଶ୍ୱରରେ ଆରମ୍ଭ ହେବ । ଭୁବନେଶ୍ୱରରୁ ଦକ୍ଷିଣ ଭାରତକୁ ଆଇଆରସିଟିସି ଦ୍ୱାରା ଏହି ସ୍ୱତନ୍ତ୍ର ପର୍ଯ୍ୟଟନ ଟ୍ରେନ୍ ବାହାରିବ । ରାମେଶ୍ୱରମ, ମଦୁରାଇ ଏବଂ ତିରୁପତି ମନ୍ଦିର ସହିତ ଅନ୍ୟାନ୍ୟ ଦର୍ଶନୀୟ ସ୍ଥାନ ଭ୍ରମଣ ପାଇଁ ଭାରତ ଦର୍ଶନ ପ୍ୟାକେଜର ଏହା ସ୍ୱତନ୍ତ୍ର ପର୍ଯ୍ୟଟନ ଟ୍ରେନ୍ ।

ଏଥିପାଇଁ ସମସ୍ତ COVID-19 ସତର୍କତା ଅବଲମ୍ବନ କରାଯିବ । ହୋଟେଲ ଓ ଧର୍ମଶାଳାର ସାନିଟାଇଜେସନ୍, ଲଗେଜ ସାନିଟାଇଜେସନ, ଥର୍ମାଲ୍ ସ୍କ୍ରିନିଂ ଦ୍ୱାରା ତାପମାତ୍ରା ଯାଞ୍ଚ, ମାସ୍କ ସହିତ କୋଭିଡ୍ କିଟ୍ ଯୋଗାଇ ଦିଆଯିବ । ଭୁବନେଶ୍ୱର, ବ୍ରହ୍ମପୁର, ଶ୍ରୀକାକୁଲମ୍, ବିଜୟନଗରମ, ବିଶାଖାପାଟଣା ଓ ବିଜୟୱାଡାଠାରେ ବୋର୍ଡିଂ ପଏଣ୍ଟ ରଖାଯାଇଛି ।

ସାଧାରଣ ଲୋକ ପାଇଁ ଅତି ସୁଲଭ ମୂଲ୍ୟରେ ଦକ୍ଷିଣ ଭାରତର ଗୁରୁତ୍ୱପୂର୍ଣ୍ଣ ଧାର୍ମିକ ସ୍ଥାନଗୁଡ଼ିକ ପରିଦର୍ଶନ କରିବା ନିମନ୍ତେ ଏହା ଅତି ବିରଳ ସୁଯୋଗ । କେବଳ ୮ ହଜାର ୮୫ ଟଙ୍କା ମୂଲ୍ୟରେ ୭ ରାତି ଏବଂ ୮ ଦିନ ପାଇଁ ଏହି ବ୍ୟବସ୍ଥା କରାଯାଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner