ଚଳିତ ମାସରେ ଭ୍ୟାକ୍ସିନ୍କୁ ମିଳିବ ମଞ୍ଜୁରୀ, ୨ ମାସ ପରେ ଲୋକଙ୍କୁ ଦିଆଯିବ
ମସ୍କୋ: ଅକ୍ଟୋବରରୁ ଋଷ କରୋନା ଭୂତାଣୁ ବିରୋଧରେ ଏକ ବଡ଼ ଟିକାକରଣ କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛି । ଋଷର ସ୍ୱାସ୍ଥ୍ୟମନ୍ତ୍ରୀ ମୁଖେଲ ମୁରାସ୍କୋ ଏ ନେଇ ସୂଚନା ଦେଇଛନ୍ତି । ସେ କହିଛନ୍ତି ଯେ, ଦେଶର ସ୍ୱାସ୍ଥ୍ୟ ଅଧିକାରୀମାନେ ଟିକାକରଣ କାର୍ଯ୍ୟକ୍ରମ ପାଇଁ ପ୍ରସ୍ତୁତ ହେଉଛନ୍ତି । ପ୍ରଥମେ ଦେଶର ଡାକ୍ତର ଏବଂ ଶିକ୍ଷକମାନଙ୍କୁ ଟିକା ଦିଆଯିବ । ଅନ୍ତର୍ଜାତୀୟ ଖବର ସରବରାହ ସଂସ୍ଥାର ରିପୋର୍ଟ ଅନୁଯାୟୀ ଋଷର ରେଗୁଲେଟିଂ ଅଧିକାରୀମାନେ ଚଳିତ ମାସରେ ଦେଶର ପ୍ରଥମ କରୋନା ଭୂତାଣୁ ଟିକାକୁ ଅନୁମୋଦନ ଦେଇପାରନ୍ତି । ତେବେ ଟିକା ଶୀଘ୍ର ପ୍ରସ୍ତୁତ ହେବାକୁ ନେଇ କିଛି ବିଶେଷଜ୍ଞ ଉଦବେଗ୍ ପ୍ରକାଶ କରିଛନ୍ତି । ଏହାପୂର୍ବରୁ ଆମେରିକାର ମୁଖ୍ୟ ଭୂତାଣୁ ରୋଗ ବିଶେଷଜ୍ଞ ଆନ୍ଥୋନୀ ଫାଉଚି କହିଥିଲେ ଯେ, ଋଷ ଏବଂ ଚୀନ୍ ପ୍ରକୃତରେ ଟିକାର ପରୀକ୍ଷଣ କରୁଛନ୍ତି ।
ସେ ବିଶ୍ୱାସ କରନ୍ତି ନାହିଁ ଯେ, ଆମେରିକା ପୂର୍ବରୁ ସେମାନେ ଟିକା ପ୍ରସ୍ତୁତ କରିପାରିବେ ଏବଂ ଆମେରିକାକୁ ସେମାନଙ୍କ ଉପରେ ନିର୍ଭର ହେବାକୁ ପଡ଼ିବ । ସାରା ବିଶ୍ୱରେ କରୋନା ଭୂତାଣୁର ୨୦ରୁ ଅଧିକ ପ୍ରକାର ଟିକା ଉପରେ କାମ କରାଯାଉଛି । ଏଥି ସହିତ ଋଷର ସ୍ୱାସ୍ଥ୍ୟମନ୍ତ୍ରୀ ମୁଖେଲ ମୁରାସ୍କୋ କହିଛନ୍ତି ଯେ, ମସ୍କୋରେ ଅବସ୍ଥିତ ଗାମାଲା ଇନ୍ଷ୍ଟିଚ୍ୟୁଟ୍ ଟିକାର କ୍ଲିନିକାଲ ଟେଷ୍ଟିଂ ଶେଷ କରିଛି ଏବଂ ବର୍ତ୍ତମାନ କାଗଜପତ୍ର କାର୍ଯ୍ୟ କରାଯାଉଛି ।
ରାଜ୍ୟରେ ୧୪୩୪ କରୋନା ସଂକ୍ରମିତ ଚିହ୍ନଟ, ପୁଣି ସଂକ୍ରମଣର ଶୀର୍ଷରେ ଗଞ୍ଜାମ
ବର୍ତ୍ତମାନ ପର୍ଯ୍ୟନ୍ତ ଋଷରେ 845,443 ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏବଂ 14,058 ଜଣଙ୍କର ମୃତ୍ୟୁ ହୋଇଛି। ଏଥି ସହିତ, ବିଶ୍ୱରେ କରୋନା ଭୂତାଣୁ ପଜିଟିଭ ଲୋକଙ୍କ ସଂଖ୍ୟା ୧୮ ମିଲିୟନରୁ ଅଧିକ ରହିଛି ।
