ଲଦାଖ ସୀମାରେ ଉତ୍ତେଜନା ମଧ୍ୟରେ ଋଷ ଗସ୍ତରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ

1 min read

ନୂଆଦିଲ୍ଲୀ: ଋଷ ଗସ୍ତରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ଋଷରେ ଆୟୋଜିତ ସାଂଘାଇ ସହଯୋଗ ସଙ୍ଗଠନ SCO ବୈଠକ ପାଇଁ ମସ୍କୋରେ ରାଜନାଥ । ଆଜି ଚୀନ ପ୍ରତିରକ୍ଷା ମନ୍ତ୍ରୀଙ୍କୁ ଭେଟିପାରନ୍ତି ରାଜନାଥ ସିଂ । ଉଭୟ ଦେଶ ମଧ୍ୟରେ ଅନେକ ପ୍ରସଙ୍ଗରେ ହୋଇପାରେ ଆଲୋଚନା । ଏହା ପୂର୍ବରୁ ଗତକାଲି ଋଷ ପ୍ରତିରକ୍ଷା ମନ୍ତ୍ରୀ ସର୍ଗୀଙ୍କ ସହ ରାଜନାଥଙ୍କ ହୋଇଥିଲା ଆଲୋଚନା । ପ୍ରାୟ ଏକ ଘଣ୍ଟା ଧରି ଦୁଇ ଦେଶର ପ୍ରତିରକ୍ଷା ମନ୍ତ୍ରୀ ଅନେକ ପ୍ରସଙ୍ଗ ଉପରେ ଆଲୋଚନା କରିଥିଲେ । ଦୁଇ ଦେଶର ନିଷ୍ପତ୍ତି ଏବେ ପାକିସ୍ତାନ ପାଇଁ ବୁମେରାଂ ସାବ୍ୟସ୍ତ ହୋଇଛି  । ସବୁବେଳେ ଦୋମୁହାଁ ନୀତି ଅବଲମ୍ବନ କରୁଥିବା ପାକିସ୍ତାନ ପ୍ରତି ଶକ୍ତ ହୋଇଛି ଋଷ ।

ପାକିସ୍ତାନ ପ୍ରତି ଋଷର No Arms Supply ପଲିସି ଜାରି ରହିବ ବୋଲି ଜଣାପଡିଛି । ଏହାର ଅର୍ଥ ପାକିସ୍ତାନକୁ ଆଉ କୌଣସି ବଡ଼ ଯୁଦ୍ଧାଅସ୍ତ୍ର ଦେବ ନାହିଁ ଋଷ । ଏଥିସମେତ ଭାରତ ଓ ଋଷ ମଧ୍ୟରେ ସୁରକ୍ଷାକୁ ନେଇ ଥିବା ସମ୍ପର୍କ ଆହୁରି ସୁଦୃଢ ହେବ ବୋଲି ଋଷ ପ୍ରତିରକ୍ଷା ମନ୍ତ୍ରୀ ଭରସା ଦେଇଛନ୍ତି । ବୈଠକରେ ଭାରତର ମେକ୍ ଇନ୍ ଇଣ୍ଡିଆ କାର୍ଯକ୍ରମକୁ ସମର୍ଥନ କରିଥିଲେ ଋଷ ପ୍ରତିରକ୍ଷା ମନ୍ତ୍ରୀ । ଋଷ ଅନେକ ପ୍ରସଙ୍ଗରେ ଭାରତକୁ ସବୁବେଳେ ସମର୍ଥନ କରିଆସିଛି । ଚୀନ ସହ ଭାରତର ସମ୍ପର୍କ ବିଗିଡୁଥିବାବେଳେ ଋଷର ସମର୍ଥନ ଅନେକ ଗୁରୁତ୍ୱ ବହନ କରୁଛି ।

Leave a Reply