ଲକ୍ଡାଉନ୍ ପରେ ବି ବାହାରେ ବୁଲୁଥିଲେ, ପୋଲିସ୍ ଧରି ବସ୍ଉଠ୍ କରାଇଲା
ଭୁବନେଶ୍ୱର: କରୋନା ପାଇଁ ଏବେ ରାହା ଦେଶକୁ ଲକ୍ଡାଉନ୍ କରାଯାଇଛି । ସମସ୍ତଙ୍କୁ ଘରୁ ବାହାରିବାକୁ ମନା କରାଯାଇଛି । କିନ୍ତୁ ଏହି ନିୟମକୁ ବାରମ୍ବାର କିଛି ଲୋକ ଭାଙ୍ଗିବାରେ ଲଗିଛନ୍ତି । ଯାହାକୁ ନେଇ କମିଶନରେଟ ପୋଲିସ ଅଧିକ ଶକ୍ତ ହୋଇଛି ।
ଲକ୍ ଡାଉନ୍ କଟକଣାକୁ ଅବମାନନାକରିବା ଲୋକଙ୍କୁ ମହଙ୍ଗା ପଡ଼ିଛି । ଭୁବନେଶ୍ୱର ବାଣୀବିହାରରେ ଆଜି ୪ ଜଣ ଯୁବକଙ୍କୁ ପୋଲିସ ଉଠବସ୍ କରାଇଛି । ବିନା କାରଣରେ ସେମାନେ ନିୟମ ନମାନି ବାହାରେ ବୁଲୁଥିଲେ । ଏବେ ସାରା ଦେଶର ଲକ୍ଡାଉନ୍ ସ୍ଥିତି । ବାହାରକୁ ନବାହାରିବାକୁ ସବୁଠି ପୋଲିସ ଲୋକଙ୍କୁ ସଚେତନ କରାଉଛି । ତେବେ ଏହାକୁ କିଛି ଲୋକ ନମାନି ବାହାରେ ବୁଲୁଛନ୍ତି । ପୋଲିସ ବୁଝାସୁଝା କରିବା ସତ୍ତ୍ୱେ ଯେଉଁମାନେ ନିୟମ ମାନୁ ନାହାନ୍ତି, ପୋଲିସ ସେମାନଙ୍କୁ ତ୍ୱରିତ ଦଣ୍ଡ ବିଧାନ କରୁଥିବା ଦେଖିବାକୁ ମିଳୁଛି ।
