ମାସ୍କ ନଥିବାରୁ ଉଠା ଦୋକାନୀଙ୍କୁ ପୋଲିସର ଠେଲାପେଲା, ଦୋକାନୀ ଉପରେ ଢ଼ାଳିଗଲା ଗରମ ତେଲ

ସୋନପୁର: ସୁବର୍ଣ୍ଣପୁରରେ ଠେଲା ଦୋକାନୀ ସହ ପୋଲିସର ଦାଦାଗିରି । ମାସ୍କ ଚେକିଂ ନାଁରେ ଉଠା ଦେକାନୀଙ୍କୁ ଠେଲାପେଲା । ପୋଲିସର ଦାଦାଗିରି ସମୟରେ ଦୋକାନୀ ଉପରେ ଗରମ ତେଲ ପଡ଼ି ଦୋକାନୀ ଗୁରୁତର । ବୀରମହାରାଜପୁର ଥାନା ପୋଲିସ ବିରୋଧରେ ଆସିଛି ଏଭଳି ସାଙ୍ଘାତିକ ଅଭିଯୋଗ । ତେବେ ଗୁରୁତର ବ୍ୟକ୍ତିଙ୍କୁ ବୁର୍ଲା ବଡ଼ ମେଡିକାଲରେ ଭର୍ତ୍ତି କରାଯାଇଛି । ସେପଟେ ଏନେଇ ପୋଲିସର ଜୁଲୁମ ପ୍ରତିବାଦରେ ରାସ୍ତାରୋକ କରିଛନ୍ତି ସ୍ଥାାନୀୟ ଲୋକେ । ରେଢାଖୋଲ ରାସ୍ତାକୁ ଆନ୍ଦୋଳନକାରୀମାନେ ଅବରୋଧ କରିଛନ୍ତି । ଫଳରେ ସୋନପୁରରୁ ରେଢାଖୋଲକୁ ଯାତାୟତ ବାଧାପ୍ରାପ୍ତ ହୋଇଛି ।

ସୂଚନା ଅନୁଯାୟୀ, ଗତକାଲି ଏଏସଆଇ ବିଜୟ ବାରିକ, ଏଏସଆଇ ଶ୍ରୀଯୁକ୍ତ ମାଝୀ ସହରରେ ପାଟ୍ରୋଲିଂ କରୁଥିବା ବେଳେ, ସାମ୍ବାଦିକ ଭବନ ଛକରେ ଟିଫିନ ଦୋକାନ କରିଥିବା ସୁଦାମ ବିଶ୍ୱାଳଙ୍କ ଦୋକାନରେ ପହଞ୍ଚିଥିଲେ । ମାସ୍କ ପିନ୍ଧିବା ନେଇ ସୁଦାମଙ୍କୁ ଗାଳିଗୁଲଜ କରିବା ସହ ଠେଲାପେଲା କରିଥିଲେ । ଫଳରେ ଦୋକାନୀ ଜଣକ ଗରମ ତେଲରେ ପଡିଯାଇଥିଲେ । ଗୁରୁତର ଅବସ୍ଥାରେ ତାଙ୍କୁ ବୁର୍ଲା ବଡ଼ ମେଡିକାଲରେ ଭର୍ତ୍ତି କରାଯାଇଛି । ଅନ୍ୟପଟେ ଘଟଣାକୁ ଅସ୍ୱୀକାର କରିଛନ୍ତି ଥାନା ଅଧିକାରୀ । କହିଛନ୍ତି ମାସ୍କ ଚେକିଂ ବେଳେ ସେ ଦୌଡ଼ି ପଳାଇବା ବେଳେ ତେଲକଡେଇରେ ପଡିଯାଇଛନ୍ତି ।

Leave a Reply