କୋଭିଡ୍ ଓ ଭ୍ୟାକ୍ସିନ୍ ବଣ୍ଟନ ପରିଚାଳନା ଉପରେ ଫୋକସ୍ ଦେବାକୁ କହିଲେ ପ୍ରଧାନମନ୍ତ୍ରୀ…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର କୋଭିଡ୍ ଓ ଭ୍ୟାକ୍ସିନ ସମ୍ୱନ୍ଧୀତ ସ୍ଥିତିର ସମୀକ୍ଷା ବୈଠକ କରିଛନ୍ତି । ଭ୍ୟାକ୍ସିନ୍ ପ୍ରସ୍ତୁତ ହେବା ପରେ ସମ୍ପୂର୍ଣ୍ଣ ଦେଶରେ ଏହାକୁ ବିତରଣ କରିବା ପାଇଁ ଏକ ପ୍ରମୁଖ ଆହ୍ୱାନ । ସେହିଭଳି ପ୍ରଶାସନିକ ଶୃଙ୍ଖଳା ମଧ୍ୟ ଭ୍ୟାକ୍ସିନ୍ ବଣ୍ଟନ ସମୟରେ ଏକ ପ୍ରମୁଖ କାରକ ହେବ । ଏଣୁ ପରିଚାଳନାକୁ ସକ୍ରିୟ ଓ ସରଳ କରିବା ଉଦ୍ଦେଶ୍ୟ ପ୍ରଧାନମନ୍ତ୍ରୀ ବୈଠକର ଆୟୋଜନ କରିଥିଲେ ।

ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, ଦେଶର ଭୌଗଳିକ ସ୍ଥିତି ଓ ବିବିଧତାକୁ ଧ୍ୟାନ ଦେଇ କିଭଳି ଭାବେ ଭ୍ୟାକ୍ସିନ ବଣ୍ଟନକୁ ଏକ ଶୃଙ୍ଖଳିତ ଉପାୟରେ କରାଯାଇପାରିବ ସେ ନେଇ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି । ବିତରଣକୁ ସକ୍ରିୟ କରିବା ପାଇଁ ପ୍ରଶାସନିକ ବ୍ୟବସ୍ଥାକୁ ଶକ୍ତ ଭାବେ ଲାଗୁ କରିବାକୁ ପଡିବ । ସେହି ପରିଚାଳନାଗତ ନିଷ୍ପତ୍ତିର ବିକେନ୍ଦ୍ରୀକରଣ ମଧ୍ୟ ସମସ୍ୟା ସୃଷ୍ଟି କରିପାରେ । ତେଣୁ କିଭଳି ଭାବେ ପରିଚାଳନାଗତ ବିକେନ୍ଦ୍ରୀକରଣକୁ ଗୁରୁତ୍ୱ ଦେବା ପାଇଁ ନରେନ୍ଦ୍ର ମୋଦି କହିଛନ୍ତି ।

ସେହିଭଳି ପରିଚାଳନା ପାଇଁ ତୃଣମୂଳ ସ୍ତରରୁ ଉପର ସ୍ତର ପର୍ଯ୍ୟନ୍ତ ଏକ ଶୃଙ୍ଖଳ ପ୍ରସ୍ତୁତ କରାଯିବ । ବିତରଣରେ ସବୁ ସ୍ତରରେ ପ୍ରଶାସନକୁ ଦାୟିତ୍ୱ ମିଳିବ । ପଞ୍ଚାୟତଠାରୁ ଆରମ୍ଭ କରି କେନ୍ଦ୍ର ପ୍ରଶାସନ ପର୍ଯ୍ୟନ୍ତ ସମସ୍ତଙ୍କ ଭୂମିକା ରହିବ । ଯାହା ଦ୍ୱାରା ବିତରଣରେ ସ୍ୱଚ୍ଛତା ରହିବା ସହ ଭ୍ୟାକ୍ସିନ ବଣ୍ଟନ ସହଜ ହୋଇପାରିବ ।

Leave a Reply