ଗୁଣାତ୍ମକ କୋଭିଡ୍ ସେବାକୁ ଗୁରୁତ୍ୱ ଦେଲେ ରାଜ୍ୟ ସରକାର…

Counter by BJD Spokesperson Lenin Mohanty

ଭୁବନେଶ୍ୱର: ରାଜ୍ୟ ସରକାର ଜିଲ୍ଲାସ୍ତରୀୟ କୋଭିଡ୍ ସ୍ୱାସ୍ଥ୍ୟ ସେବା ପରିଚାଳନାକୁ ଅଧିକା ଗୁଣାତ୍ମକ ଓ ସକ୍ରିୟ କରିବା ଦିଗରେ ଧ୍ୟାନ ଦେଇଛନ୍ତି । ଏଥିପାଇଁ ପରିଚାଳନାସ୍ତରେ ନୂଆ ଓ ଅଭିନବ ପଦକ୍ଷେପ ନେବା ପାଇଁ ଅତିରିକ୍ତ ମୁଖ୍ୟ ଶାସନ ସଚିବ ସବୁ ଜିଲ୍ଲାପାଳ, ପୌରପରିଷଦ କମିଶନର ଓ ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ଅଧିକାରୀଙ୍କୁ ଚିଠି ଲେଖିଛନ୍ତି । ବିଶେଷ ଭାବେ ସମ୍ୱେଦନଶୀଳ କୋଭିଡ୍ ରୋଗୀମାନଙ୍କର କିଭଳି ଭାବେ ଚିକିତ୍ସା କରାଯିବ ସେନେଇ ଚିଠିରେ ଉଲ୍ଲେଖ ରହିଛି ।

ରାଜ୍ୟ ସରକାର କୋଭିଡ୍ କେୟାର ବ୍ୟବସ୍ଥାକୁ ବିକେନ୍ଦ୍ରୀକରଣ କରିବା ପାଇଁ ଜିଲ୍ଲା ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ସାଧାରଣତଃ କୌଣସି ରୋଗୀ କୋଭିଜ୍ ସଂକ୍ରମଣରେ ଅଧିକ ସମ୍ୱେଦନଶୀଳ ସ୍ଥିତିକୁ ଚାଲି ଆସିଲେ ଜିଲ୍ଲା ସ୍ୱାସ୍ଥ୍ୟ ପ୍ରଶାସନ ସଂପୃକ୍ତ ରୋଗୀଙ୍କୁ ଭୁବନେଶ୍ୱର ଓ କଟକର ଡ଼ାକ୍ତରଖାନାକୁ ପଠାଉଛନ୍ତି । ଆଗାମୀ ସମୟରେ ଏଭଳି ନକରି ଜିଲ୍ଲାରେ ଆଇସିୟୁ ସୁବିଧାକୁ ଏକତ୍ରୀକରଣ କରି ଜିଲ୍ଲାର ସମସ୍ତ ରୋଗୀଙ୍କ ଚିକିତ୍ସା କରିବା ପାଇଁ ସରକାରୀ ନିର୍ଦ୍ଦେଶ ମିଳିଛି । ସେହିଭଳି କୋଭିଡ୍ ରୋଗ ଓ ରୋଗୀଙ୍କ ସମ୍ପର୍କିତ ତଥ୍ୟ ପାଇଁ ତାଲିମ ଓ ପ୍ରଶିକ୍ଷଣର ମାତ୍ରାକୁ ମଧ୍ୟ ତୃଣମୂଳ ସ୍ତରରେ ବଢାଇବା ପାଇଁ କୁହାଯାଇଛି ।

ଏହାବ୍ୟତୀତ ଜିଲ୍ଲା ଚିକିତ୍ସାଳୟରେ ମଧ୍ୟ ତାଲିମର ମାତ୍ରା ବଢିବା ଆବଶ୍ୟକ ବୋଲି ସରକାରଙ୍କ ପକ୍ଷରୁ କୁହାଯାଇଛି । ସେହିଭଳି ରେଫରାଲ ପିଲିସିକୁ ଅଦିକ ସକ୍ଷମ କରିବା ସପକ୍ଷରେ ସରକାର ଧ୍ୟାନ ଦେବକୁ କହିଛନ୍ତି । ରୋଗୀକୁ ଗୋଟିଏ ହସ୍ପିଟାଲରୁ ଅନ୍ୟ ଏକ ହସ୍ପିଟାଲକୁ ରେଫର କରାଯାଉଥିଲେ ବେଳେ ଉଭୟ ହସ୍ପିଟାଲ ମଧ୍ୟରେ ଏକ ସଠିକ ଯୋଗସୂତ୍ର ସ୍ଥାପନ ହେବ । ସେହିଭଳି ରୋଗୀ ଏକ ନିର୍ଦ୍ଦିଷ୍ଟ ଡ଼ାକ୍ତରଖାନା (ବିଶେଷ ଭାବେ କଟକ ଓ ଭୁବନେଶ୍ୱର) ଯିବା ପାଇଁ ଉଚ୍ଚୁକ ଥିଲେ ମଧ୍ୟ ସଂପୃକ୍ତ ଜିଲ୍ଲା ସ୍ୱାସ୍ଥ୍ୟ କେନ୍ଦ୍ର ରୋଗୀ ସହ ବିସ୍ତୃତ ଭାବେ ଆଲୋଚନା କରିବା ଆବଶ୍ୟକ । ତେବେ ରୋଗୀ ଗମାନଗମନ ବେଳେ ଯେଭଳି ତାଙ୍କର ଜୀବନ ପ୍ରତି ବିପଦ ନାହିଁ ସେ ନେଇ ମଧ୍ୟ ଡ଼ାକ୍ତରଖାନା ଧ୍ୟାନ ଦେବା ଉଚିତ୍ ।

କରୋନା ସଂକ୍ରମଣ ଶୀକାର ହୋଇଥିବା ବ୍ୟକ୍ତିଙ୍କ ଠିକ୍ ସମୟରେ ଠିକ୍ ଚିକିତ୍ସା କରିବା ଉପରେ ଧ୍ୟାନ ଦିଆଯାଉ । ଆଇସିଏମଆର ପ୍ରୋଟୋକଲ୍ ଆଧାରରେ ଚିକିତ୍ସା, ଅତିକମ୍ ଆଇସିୟୁ ବେଡର ଅଧା ସଂଖ୍ୟକ ସେମି ଆଇସିୟୁ ବେଡ୍, ଅନଲାଇନ୍ ମାଧ୍ୟମରେ ରୋଗୀଙ୍କୁ ସ୍ୱାସ୍ଥ୍ୟ ପରାମର୍ଶ ଦେବା ପାଇଁ ସରକାରଙ୍କ ପକ୍ଷରୁ କୁହାଯାଇଛି । ତେବେ କରୋନା ସଂକ୍ରମଣ ପାଇଁ ସ୍ୱତନ୍ତ୍ର ବ୍ୟବସ୍ଥା ନିଆଯାଇଥିବା ହେତୁ ଅନ୍ୟ ଗୁରୁତ୍ୱପୂର୍ଣ୍ଣ ଓ ସମ୍ୱେଦନଶୀଳ ଚିକିତ୍ସାରେ ସମସ୍ୟା ଉପୁଜିପାରେ । ଏଣୁ ସବୁ ଜିଲ୍ଲା ସ୍ୱାସ୍ଥ୍ୟ କେନ୍ଦ୍ର ଏନେଇ ପ୍ରସ୍ତୁତ ରୁହନ୍ତୁ ବୋଲି ସରକାର କହିଛନ୍ତି । ପ୍ରସୂତି, କ୍ୟାନସର ଚିକିତ୍ସା ଓ ଡାଇଲିସିସ୍ ପାଇଁ ଯଥେଷ୍ଟ ବେଡ୍ ରଖିବା ପାଇଁ ସରକାରଙ୍କ ପକ୍ଷରୁ କୁହାଯାଇଛି । ସେହିଭଳି ମାନବ ସମ୍ୱଳ ପରିଚାଳନା, ଆବଶ୍ୟକୀୟ ପରିମାଣର ଡ଼ାକ୍ତରୀ ସରଞ୍ଜାମ ମହଜୁଦ ରଖିବା ସହ କୋଭିଡ୍ ଚିକିତ୍ସାକୁ ପ୍ରେରିତ କରିବା ପାଇଁ ସରକାରଙ୍କ ପକ୍ଷରୁ ନିର୍ଦ୍ଦେଶ ମିଳିଛି ।

Leave a Reply