ପୌର ନିର୍ବାଚନ ପାଇଁ ଫିଟିବ ବାଟ, ଶୀତ ଅଧିବେଶନରେ ଆସିପାରେ ସଂଶୋଧିତ ବିଧେୟକ

Odisha Municipal Election Amendment Bill To Come In Winter Session Of Assembly

ଭୁବନେଶ୍ୱର: ପୌର ନିର୍ବାଚନ ପାଇଁ ବାଟ ଫିଟିବାର ସମ୍ଭାବନା ରହିଛି । ଏ ନେଇ ଆସନ୍ତା ବିଧାନସଭା ଶୀତ ଅଧିବେଶନରେ ବିଧେୟକ ଆସିପାରେ । ଏହା ପାରିତ ହେବା ପରେ ନିର୍ବାଚନ ପ୍ରକ୍ରିୟାକୁ ଓହ୍ଲାଇବେ ରାଜ୍ୟ ନିର୍ବାଚନ କମିଶନ । ହାଇକୋର୍ଟରେ ସଂରକ୍ଷଣକୁ ନେଇ ବିବାଦ ସୁପ୍ରିମକୋର୍ଟରେ ପହଞ୍ଚିଥିଲା । ଯାହା ରାଜ୍ୟ ସରକାରଙ୍କ ବିପକ୍ଷରେ ଯିବାରୁ ସଂଶୋଧନ ପାଇଁ ବିଧାନସଭାରେ ପାରିତ ହେବାର ଆବଶ୍ୟକତା ରହିଛି । ରାଜ୍ୟ ସରକାର ସୀମା ପୁନଃନିର୍ଦ୍ଧାରଣ ଓ ସଂରକ୍ଷଣ କରିବାର ୪ ମାସ ମଧ୍ୟରେ ହେବ ନିର୍ବାଚନ ।

Odisha Municipal Election Amendment Bill To Come In Winter Session Of Assembly

ଦୁଇ ବର୍ଷରୁ ଅଧ୍ୟକ୍ଷ ଅପେକ୍ଷାରେ ରାଜ୍ୟର ବିଭିନ୍ନ ପୌର ପରିଷଦ । ଦେଢ ବର୍ଷ ହେଲା ଖାଲି ପଡ଼ିଛି ଭୁବନେଶ୍ୱର ଓ କଟକ ମହାନଗର ନିଗମରେ ନିର୍ବାଚିତ ପ୍ରତିନିଧିଙ୍କ ସ୍ଥାନ । ପ୍ରଶାସକଙ୍କୁ ନେଇ ଚାଲିଛି କାମ । ହେଲେ ଏହି ଅଚଳାବସ୍ଥା ଦୂର ହେବାର ଏବେ ସମ୍ଭାବନା ସୃଷ୍ଟି ହୋଇଛି । ଆସନ୍ତା ଶୀତକାଳୀନ ବିଧାନସଭା ଅଧିବେଶନରେ ପୌର ନିୟମ ସଂଶୋଧନ ବିଧେୟକ ଆସିପାରେ । ଯାହା ପାରିତ ହେବା ମାତ୍ରେ ନିର୍ବାଚନ ପ୍ରକ୍ରିୟା ଆରମ୍ଭ କରିବାକୁ ରାଜ୍ୟ ନିର୍ବାଚନ କମିଶନଙ୍କୁ ଅବଗତ କରାଯିବ । ଓଡ଼ିଶାରେ ୧୧୪ଟି ପୌର ସଂସ୍ଥା ରହିଛି । ନୂଆପଡ଼ା ଏନଏସି ନିର୍ବାଚନର ମାମଲା ବିଚାରାଧୀନ ଥିବାବେଳେ ହିନ୍ଦୋଳ ଓ ଅତାବିରା ଏନଏସିର କାର୍ଯ୍ୟକାଳ ୨୦୧୩ରେ ସରିବ । ତେବେ ଚାରୋଟି ମହାନଗର ନିଗମ ନିର୍ବାଚନ ବି ବାକି ଅଛି । ଏଥିସହ ୨୦୧୮ରେ ନୂତନ କରି ଗଠନ ହୋଇଥିବା ବିଜେପୁର ଏନଏସି ପାଇଁ ବି ନିର୍ବାଚନ ହେବ । ତେବେ ରାଜ୍ୟ ସରକାର ସୀମା ପୁନଃନିର୍ଦ୍ଧାରଣ ଓ ସଂରକ୍ଷଣର ଚୂଡ଼ାନ୍ତ ରୂପରେଖା ସମାପନ କରିବାର ୪ ମାସ ଭିତରେ ରାଜ୍ୟ ନିର୍ବାଚନ କମିସନ ପୌର ନିର୍ବାଚନ ଘୋଷଣା କରିବେ ।

Odisha Municipal Election Amendment Bill To Come In Winter Session Of Assembly

୨୦୧୨ ପଞ୍ଚାୟତ ନିର୍ବାଚନ, ୨୦୧୩ ପୌର ନିର୍ବାଚନ ଓ ୨୦୧୭ ପଞ୍ଚାୟତ ନିର୍ବାଚନରେ ସଂରକ୍ଷଣ ହାର ଅଧିକ ଥିଲା । ମହିଳା, ଓବିସି, ଏସସି ଓ ଏସଟିଙ୍କୁ ମିଶାଇ ୬୪ ପ୍ରତିଶତ ଥିଲା ସଂରକ୍ଷଣ । ଯାହାକୁ ବିରୋଧ କରି ୫୦ ପ୍ରତିଶତରେ ସଂରକ୍ଷଣ ସୀମିତ ରଖିବାକୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ । ରାଜ୍ୟ ସରକାର ସୁପ୍ରିମକୋର୍ଟ ବି ଗଲେ । ହେଲେ ହାଇକୋର୍ଟଙ୍କ ନିଷ୍ପତ୍ତିକୁ ସମ୍ମାନ ଜଣାଇଲେ ସୁପ୍ରିମକୋର୍ଟ । ଯେଉଁଥିପାଇଁ ସଂଶୋଧନ କରି ସଂରକ୍ଷଣ ବ୍ୟବସ୍ଥାକୁ ୫୦ ପ୍ରତିଶତ ରଖିବା ପାଇଁ ବିଲ୍ ପାରିତ କରିବେ ରାଜ୍ୟ ସରକାର ।

Odisha Municipal Election Amendment Bill To Come In Winter Session Of Assembly

ପୁନଃନିର୍ଦ୍ଧାରଣ ଓ ସଂରକ୍ଷଣ କରି ରାଜ୍ୟ ନିର୍ବାଚନ କମିସନଙ୍କୁ ଅବଗତ କରିବେ ରାଜ୍ୟ ସରକାର । ଏହାର ଅଢେଇ ମାସ ଭିତରେ ଭୋଟର ତାଲିକା ପ୍ରସ୍ତୁତ ହେବ । ଯେଉଁଥିରେ ନୂତନ ଭୋଟରଙ୍କ ସାମିଲ ଓ ମୃତ ଭୋଟରଙ୍କ ନାମ କଟାଯିବ । ବାକି ୪୫ ଦିନ ଭିତରେ ସରିବ ନିର୍ବାଚନ ।

Leave a Reply